نكت مغربية أصيلة

هذا واحد الرجل دايز معا ولدو صغير قدام الخضارة
الولد الصغير قال لباه : أبا شري لينا الدلاح ( الكوار)
قال ليه أباه : أوليدي راه فيه المرض
قال ليه لوليد : وشري لينا التفاح أبا
قال ليه أباه : ضرباتو الرعدة أوليدي
قال ليه لوليد : وا شري لينا البطيخ ( لصفر)
قال ليه أباه : مزال مطاب أوليدي
قال ليه لوليد : وآ شنو اللي طايب أبا
قال ليه أباه : قلبي أوليدي , راني نافض , معندي حتى ريال

ملحوظة : الدلاح هو اادلاح لا نقول له البطيخ أبدا ولونه أخضر وداخله أحمر
والبطيخ هو البطيخ لا نقول له الدلاح أبدا ولونه أصفر وصغير الحجم من الدلاح وداخله أبيض يميل إلى الصفرة
والذين يخلطون وليس بكلامنا إنما يشاهدون الأفلام الشرقية

هذا واحد العسكري بوجادي في التدريب ( لانستريكسيون)
قال ليه الشاف غادي نعطيوكم الضرا تسخنكم
العسكري عروبي صيفط برا ( رسالة) لباه
قال لو فيها : وا بويا يا بويا راه المخزن غادي يعطينا البشنة ( الذرة) مزيانة تسخنك أبويا
وتلقا متحرث هاذ العام
بات العسكري لعروبي جا القشلة راكب على بغل ومعاه الشواري والخناشي باش يدي الضرا

ملحوظة : الضرا كسوة شتوية صوفية

واحد لعروبي شاف نصراني تيشري كلب شيان دو بوليس بالثمن
جا عندو لعروبي قال ليه : عندنا بحال هاذ لقوانع هاو هاو موجودين
قال ليه النصراني : هاو هاو دو بوليس جيب لينا نشريوهم من عندك نعطيوك فلوس بزاف
لعروبي مشا لعروبية تيقلب , ملقا غير واحد الكلب مبرهش عامر برغوث وقراد
لعروبي دار ليه سريفة في عنقو ( قنبة) وجابو جارو.
النصراني شاف القانع قال ليه : نو نو نو نو هذا مجحوم هذا ,
أنا قلت ليك شيان دو بوليس
لعروبي قال للنصراني : وغير عدي بشيان دو مردة
متحيرش أمسيو معاه , راه عضاض ونهاش و تياكل النخالة والربيع واللي اعطيتيه

وها ها ها ها
ولعفو يا بن يفو

في عيد لكبير
لمرا قالت لرجلها جيب لينا حولى بقرونو
الرجل مفحالوش المانضة قليلة
مشا لرحبة لغنم من الصباح هو يدور في الرحبة
شرا خروف بالمانضة كاملة ,
بقات ليه ربع ماية دريال تتوذن وتتركع صافي
بغا ياخد هوندا , قالو مول هوندا ألفين ريال
الرجل شاد الحولي وتيخمم
والحولي قال ليه : بقات ليك ربع ماية دريال
اشريها ليا جلبانة , ونمشيو كاع كعبة على رجلينا

مسابقة العوامة
شكون غادي يتلاح من واحد البلوجوار عالى بزاف
المسبح من لفوق تيبان صغير بزاف
العوام اللي تيطلع باش يتلاح , تيشوف الما بعيد بعيد وتيخاف
الميطر ناجورات كلشي مقدر حتى واحد
واحد لعروبي شاف الجوقة لفوق طلع يشوف ويطل
لعروبي لا بس الجلالب أو هو يتلاح من لفوق
بدا تيتخبط في الما جبدوه دغيا فرحانين بيه
والصحافة دايرين بيه باغيين يسولوه
قالو ليه اربحتي الجائزة الكبري
قال ليهم : وحيدو بعدا حتى نعرف هاذ بنادم اللي دفعني

واحد بنادم راكب على طوموبيل مقرقشة
موقفات لو في الصطوب غير بزز أو سكتات
لكلاكسون مبغاش يسكت لو , والشاكمة عاطية الدخاخن
جا عندو البوليسي قال ليه : جبد لوراق
قال ليه مول الطوموبيل : ومنين عند هاذي شي اوراق
قال ليه البوليسي : أرا الكونطاك
قال ليه مول الطوموبيل : ومنين عند هاذي شي كونطاك راني تنلا قي ليها غير السلوكة
قال ليه البوليسي : انزل
قال ليه مول الطوموبيل : ومنين غدي ننزل , البيبان متيتحلوش ,
قال ليه البوليسي : يا الله تحرك من هنا
قال ليه مول الطوموبيل : قول ليهم يدفعو بيا أشاف الله يخرج سربيسك على خير

هذا واحد الرجل دابز معا مرتو
نوضوها صباط
الرجل ما قاريش جبد عقد الزواج وبدا يقلب فيه ويشوف
ويحقق في عقد الزواج ويعاود
قالت ليه مرتو : شتك غيرتتفرت فهداك لعقد أشنو كاين
قال ليها رجلها: تنقلب بغيت نعرف وقتاش غادي تسالى هاد الكونترا بيني وبينك

واحد البنت مشات عند الشوافة باش تشوف واش غدي تنجح في الباك
الشوافة قالت ليها : واش تشوفي على صحتك او لا على سعدك ,
قالت ليها البنت : على سعدي , جيت نشوف عل- الباك
قالت لها الشوافة : ها هو, هاهو قدامي جاي أبنيتي
: غادي يديك وتديري معاه جوج لوليدات

قال ليه واش الموس ماضي , جاوبو قال ليه لا مضارع

واحد لمفليبي دخل تحت الكار تيقلبو , تيقلد الميكانيسيان
قال ليه مول الكار : اخرج آش تدير تحت الكار
قال ليه لحمق : وغير بغيت نشوف
قال ليه مول الكار: أشنو غدي تشوف تما
قال ليه لحمق : بغيت نعرف واش هو كار أو لا كارة

واحد الفار تيتسارى بلليل
أو هو يسمع حفلة عرس الشطيح والرديح
لمشوش محتافلين بعقد قران
موشون وميشتون
غير الفار طل
طارو بيه هزوه فوق العمارية
قال ليهم لعريس غنيو عليه
آ الزربان على عمرو
آ جا يدير جابو لهوا في ثلاثة الليل

واحد التوأم قال لخوه في الزنقة
وفين مشيتي قبيلة
راه كليت لعصا اليوم جوج مرات
وحدة ديالي ووحدة ديالك
نخاف لتزيدني مي الثالثة مني تدخل أنت
راه مغدي تعرف شكون ضربت

هذا واحد الرجل شرا راديو زمان هذا
فرحان بيه, أو هو يطيح ليه في الما
الراديو ولى فيه التخرشيش
الرجل باعو لجارهم
جارهم ردو ليه وقال ليه : راه مني حليتو باش نتصنت خرج منو الما
قال ليه اللي باعو ليه: أمالك أصاحبي حليتي الراديووقبل ما تبداالإذاعة راه عادا تيسيقوها

واحد المعلم تيقري لحساب
المعلم نوض دري , قال ليه
: أباك تسلف ألف درهم من عند مول الحانوت ,وألف درهم من عند جاركم ,شحال غدي يرد في المجموع
جاوبو التلميذ : مغدي يرد والو
المعلم قال للتلميذ أنت كسول وبليد
التلميذ قال للمعلم : راك أاستاذ معرفتيش أبا

واحد خدام في البومبية ( رجال المطافئ )
معمرو حضر تيطفي شي عافية
جات مرتو من المارشي
قال ليها تعطلتي في التقضية
قالت ليه : كلشي غالي , السلعة شاعلة فيها العافية
أو هو يهز التليفون : ألو ألو الشاف العافية العافية
: وفين , العافية شادة : في السلعة
طناط طنوط حيد نفوت , طناط طنوط حيد لتموت

نكتة حقيقية
طلعات واحد لمرا سمرا معا بنتها الطوبيس
الطوبيس عامر
البنت الصغيرة تلفت لمها في الزحام
لمرا بدات تتغوت وكسرات الطوبيس بالغوت
غزلان غزلان غزلان غزلان ...
لقات بنتها وسط الناس
( بنتها سمرا دايرا قرينات من الشعر)
واحد سكران راكب الطوبيس تيتمايل قال ليها :
صدعتيييينا غزلان غزلان غزلان
ماهي إلا مييعزان

الداغو السوسي سخر ولدو
اعطاه ربعة دريال يجيب لو حاجة
ولد السوسي بغا يقطع الطريق ضربو الترام واي
جاو الناس قالو ها للداغو السوسي
السوسي جا تيجري فين كاينة لكسيدة وتيغوث
فين الربعة والريال , وا الربعة وريال
الربعة والريال في يد ولدي ثقت فيه واعطيتها لو
أصحاب الكوسطا حضرو بسرعة
قالوا للسوسي راه يدو كرمت يابسة على ربعة درال ,
خصو عملية جراحية باش يطلق الربعة دريال
قال ليهم داغو السوسي: إوا ها لملاغة , أقطعو لو اليد دابا واعطيوني الربعة وريال ديالي
كلا العملية , هاذ النهار كحلة عل- الميزانية
ما غادي نكلو اغروم لا اليوم ولا غدا ولا حتى بعد غدا
حنا غدي نموتو كاع مانخليها من ورانا أتكول

شي تابع الربعوات ,
او شي حاضي غير الرابعات
أو شي تينقص الرابعات

- هذا واحد جوج ثلاثة ربعة خمسة

هذا واحد السكايري مخزاز . مبلي بالشراب
كل نهار حتى تيوجد باش يتوب , تيتوضى ويتم غادي للجامع
غير مني يقرب للجامع ويبغي يدخل
تتجيه نشوة الشراب
أو تيقول : ألوي عليا
ديما مني يقرب للجامع ب, تيقلب ويقول : ألوي اعليا
ويمشي للبار يسكر
مات هاد الرجل السكايري , دفنوه
غاديين بيه الملائكة للجنة
الرجل فرحان تيشوف الجنة ونعيمها
وصلو الملائكة به لباب الجنة
أو قالو : ألوي اعليا
...

هدا واحد الرجل بلدي "بكري هاد الشي" كلا البيصارة عند شي ناس
البيصارة عجباتو بزاف بزاف معمرو كلا بحالها .
هو راجع في الطريق أو تيقول بيصارة بيصارة بيصارة بيصارة ...
باش مينساش عليها .
أو هو يلقا واحد السيد طا يحا ليه خنشة الزرع من فوق لحمار
هداك السيد اللي طايحا لو الخنشة قال للرجل البلدي :
عفاك عاوني نهز الخنشة عل- لحمار
قال ليه : إلى عاونتك غادا تتلف ليا الكلمة ومنعقلش عليها
قال لو : حطهاتحت هاذيك الحجرة
الرجل البلدي هز الحجرة وقال بيصارة وكررها باش متوضرش وحط عليها الحجرة
وهز الخنشة فوق لحمار
الرجل البلدي رجع هز الحجرة تيقلب عل- ديالو ,على كلمة بيصارة ملقا والو , غضب وكعا مزيان , وبقا تيقلب في النواحي
ودير الخير , متدير خير ميطرا باس
أشمتني داها معرفتش كيف دار.
الرجل رجع للدار وقال لمرتو: ديري لينا هاديك , هاديك اللي حطيت تحت الحجرة
حطا لينا غير على طياب لعدس لعدس لعدس
لمرا قالت ليه معرفتش أشنهيا هاديك
الرجل ضربها , أباط شري تربح أباط شري تربح
قالت ليه مرتو او هو تيضربها بركا عليا
راك رضيتي ليا وجهي بيصارة
هاذيك هاذيك اللي تنقلب عليها
شتي أنا متعديتش عليك , بالعصا وليتي تتكري

واحد السيد بغا يصبغ دارو
جاب صباغ , او وراه أشنو يصبغ
الصباغ تيصبغ او تيغني , ومشينا لشط لبحر , ومشينا لشط لبحر’ وشربنا كيسان لخمر,
خدمة الصباغ ثقيلة بزاف
جا عندو مول الدار , لقا ه مصبغ والو غير شي شويييا,
قال ليه هاذ الأغنية اللي تتغني مزويناش
غني غني , دبا تجي يا الكبيدة دبا تجي

آش غدي نقول ليكم الخدمة ناض فيها الشياط

واحد بنادم فياش ( وشاش ) شاف واحد البنت عصرية زاز جالسا في القهوة
اجلس حتى هو مقابل معاها في القهوة .
الكارسون جا عند البنت قال ليها : آش حب الخاطر أختي
قات ليه : بازانكور ( من بعد)
الكارسون مشا عند هداك بنادم . قال ليه : آش حب الخاطر أسيدي
قال ليه : بازا نكور , عفاك تكون مكلاصيا مزيان.

بكري في أوائل الستينات
جا الرجل من لعروبية عند بنتو مزوجة في لمدينة
( التلفزة كانت نوار إ بلان, وكانت تتخدم غير من الثمنية ديال لعشية حتى لطناعش ديال الليل صافي ونهار الحد في الصباح برامج أطفال ترفيهيات )
لعروبي وصل عند بنتو عشية في لعاصر باقا الشمش مكرحة .
لعروبي دخل لدار سلم اجلس تقابل معا صندوق لعجب( التلفزة)
غوث علا بنتو مشات تطيب ليه أتاي
: وا التايكة , أجي بعدا شعلي لينا الفزفازة هي الاولى
بنتو التايكة ,( أسميتها التايكة ) قالت ليه : دبا راه فيها غير التشاش مزال متبدا
قال ليها أباها : شعليها دابا نتفرج في التشاش أبنيتي بغيت نشوف التشاش

ملحوظة : التشاش نقط بيضاء وسوداء وخطوط مع صوت قوي: تشششش تشششش تشششش

قال ليه
ضربو بتصرفيقة حتى بان ليه التشاش

هدا واحد بغا ينتاحر , مشا لسكة المشينة (التران)
المراقب ديال السكة شافو من بعيد جالس قريب من السكة
جا عندو المراقب لقاه داير كويميلة تيطيبها
مراقب السكة قال ليه : آش تدير هنا
قال لو بغيت ننتاحرطلعات الدنيا في راسى و تنتسنا التران
المراقب قال ليه : بغيتي تنتاحر وتطيب الخردولة
قال ليه : ولا ما جاتش التران نموتو هنا بالجوع

* هذا واحدالرجل سنين أو هو تيبني واحد العمارة بربعين طاج , مني كملها نزل لباب وهز عينيه للعمارة عالي عالي , أو قال يا سلام يا سلام , أو هي العمارة تجي مكردعة , رابت عليه .

*هذا واحد مريض بمرض نفسي , مشا عند الطبيب
قال ليه الطبيب : أشنو عندك , باش تتحس , آش تيضرك
قال ليه لمريض : مشكيلتي أنا ديما ديما تنحلم غير بالفيران , نفس الحلمة متتبدلش
قال ليه الطبيب : كيفاش غير الفيران
قال ليه لمريض : الفيران تيلعبو الكرة , كلشي فيران , اللعابة فيران حكم الوسط ( لاربيط) فار وحكام الشرط والمديع فار والجمهور فيران , والإشهار فيران
الطبيب قال للمريض : مشكلتك ساهلة ماهلة , غادي نعطيك كينة وحدة غادي تستعملها تنعس أو مغاديش تحلم بالمرة والو , غادي تنعس مزيان ,
قال ليه لمريض :لا...؟ لا...؟ مغديش نشربها هاذ الليلة حتى لغدا بالليل
قال ليه الطبيب : علاش ,أشنو السبب
قال ليه لمريض : هاذ الليلة راه الفيران في الفينال , لا عبين النهائي على اكاس الماتش واعر صعيب , مابين فريق فيران رحبة الزرع , وفريق فيران لقوادس , منقدرش نفلت لماتش , أو غادي تحضر الفيفا , باش تعطي الكاس للفرقة الغالبة,
الطبيب قال للمريض : واش الفيفا بنادم ؟
قال ليه لمريض : شتي بنادم متيدورش , الفيفا طوبات وفيران روميين وفار الخيل , ونقول ليك أسي الطبيب , لمشوش برا خارج الملعب , بغاو يدخلو يتفرجو صحة , ديرين الشغب والفوضة , الملعب عامر مدكوك مزيان بالمتفرجين الفيران , وجمهور الفريق المنظم تيصفرو ويغوتو على الفريق الزائر : ها لمشوش . وا تصب , ها النشبة ها دوا البرغوث ها لمصيدة.
الطبيب قال للمريض : شتي أنت يا لعموم , خصك تديكودا وتفلاشا ,ويتعاود ليك لانستالاسيون ديال المموار ديالك , خصك لبياس بزاف , غادي نصدرك تمشي لصبيطار طرانت سيس (36*2) مضروب في جوج . وا لعفو يا بن إيفو

* الرجل مني يرجع من الخدمة ويجي للدار , وغير يدخل تقول ليه مرتو المعكازة : على وقفتك دير لي عفاك هاذي , على وقفتك اعطيني عفاك هاذي , وديما تقول ليه على وقفتك ...على وقفتك...
راجلها قال هاذ المرة ندخل نحبو على ركابيا أو مغديش تقول ليا على وقفتك عفاك ... , الرجل جا من الخدمة , غير حل الباب دخل يحبو على ركابيه , شافتو مرتو قالت ليه : على ركابيك عفاك جفف ليا ,

* عروبي معروض دا معاه ولدو مبهلل ( طاير لو الفرخ) لعراضة
البهلول أسميتو معزوز .
حطو ليهم في الأول أتاي واللوز والكركاع...
الناس تيشربوا أتاي وتينقبو اللوز والكركاع ...وتيهضرو
معزوز البهلول صاقل مكمش في بلاصتو متيهضر متيتكلم
باه موصيه " عنداك أمعزوز أولدي تحشمني قدام الناس
ولكن أباه شافو متينقب لا لوز لا كركاع , وبقا فيه ولدومعزوز
أو هو باه نغزو بمرفقو
قال ليه بشوية : لوز أوليدي أمعزوز (بمعناها انقب اللوز)
إيوا أشنو غادي نقول ليكم أباه عطاه الضوء الأخضر , معزوز ناض تيهيت وتيشتف أو تيلوز , "سحاب قال ليه باه نوض لوز شطح أوليدي"
وتيقول ويغوث: هانا أبا , ها معزوز كونوالنوز . هانا أبا ها معزوز نقبو النوز
ومعزوز شدها شطحا نيت , وتيدور وتيلوز وتيعفس , تقلبات الصينية والبراد ...؟ هاذ النكثة عاودتها لواحد الفاسي صاحبي قديم , ضحك عليها مزيان , أو قال لي الفاسي : أون آلو أباه أرئع , أشني آيعمل .( كون قال ليه أباه كركع أشنو غادي يعمل ) جاوبتو : غادي يأرئعها عليهم , وكارثة عظمى غادي تطرا كون قالو كركع , جاب الله مقالوش كركع . كون كردع البشر اللي كاين كلشي , ولحسن الحظ ما حطينش للضياف الشريحة
واك واك أعباد الله- الرجا الرجا أعباد الله ".

*هاذو شي مراركة دارو نزهة ( بيكنيك) وفين ؟ ’ في الصومال
نصبو البرمة , نتوما مالين الخير ديال كسكسوعلى العافية بلعواد في لخلا, عامرة بسبع خضاري وريحة الكرداس تتشهي , وتلهاو مع فتيل كسكسو . وشريب أتاي المنعنع .
واحد الصومالي صغيور. شم ريحة الماكلة والطياب يا سلام الكساكس المغربية
بالسمن والقديد , خرجو عينيه جاي تابع الريحة , ملابس والو , بدا تيتسلت حتى وصل البرمة ودخل وسطها وسد عليه بغلاقتها , والبرمة فوق النار زاهرة , مني جاو يطلو على البرمة , لقاو الصومالي كلا كولشي وشرب لبلول كامل, والبرمة خاوية فوق النار والصومالي وسطها تيلحس , وقالو ليه وهاد الكسكسو اللي بقا لينا في الكسكاس مفتول بلا خضرة ولا لحم كيف غادي نديرو معاه , قال ليهم الصومالي : ساهلة نصبوه عليا وديرو القفال , ومني يطيب الكسكسو ديروه صايكوك , ونصيكو كلنا جميع ’ وديوني معاكم أنا مزاوك فيكم

*واحد المرأة جابت صباغ يصبغ ليها البيوت
الصباغ قصير القامة (قزمي)
الصباغ بدا يصبغ وتيقطر في الأرض
قالت ليه لمرا : دير تحتك هاذ الجريدة (جابت ليه جريدة)
قال ليها : أنا راه طويل ونوصل

هذا واحد لفقيه ومدة ما اعرض عليه حد
قال في نفسو كيفاش ما مات حد ما اتزاد حد , لا خثانة, لا خطبة لا زواج , لا سبوع لا زرورة . لا صدقة ممريض حد واش ميتة كاع .
ما يمكنش, خرج لفقيه يتسارى في الفيلاج باش يعرف السبب علاش, أو هو يسمع الفقهة اصحابو تيقراو في واحد الدار , ولفقيه كعا انتوما هنا يا صحاب الزرود ولكساكس , لفقيه شمر على ذراعو وبدا يخبط بالجهد الباب مسدود ديال الدار اللي تيقراو فيها اصحابو , طلت مرا من الشرجم : قالت ياشكون اللي تيهرس علينا الباب , قال ليها لفقيه : و غير حنا خرجنا نقضيو حاجة سديتو علينا الباب. قالت لو لمرا : يا شكون نتوما يا سيدي
قال ليها لفقيه : أنا راه معا الطلبة اللي تيقراو عندكم
قالت ليه لمرا : ما عندنا طلبة هاذيك راه غير الكسيطة

واحد لمسلسع شاف السربيس قدام واحد الصيدلية بيرمانانس ووقف حتى هو داير الصف. الزحام والصف طويل ومرة مرة لمسلسع تيخرج من الصف ويطل داخل الصيدلية ويرجع للصف . مني وصلاتو النوبة قال ليه الصيدلي : آش حب الخاطر أسيدي , لمزعزع نعث لو بصبعو هذاك تلفت الصيدلي جهة صورة ديال سكوليت ( هيكل عظمي ) ملصقة في الحيط .قال ليه الصيدلي : مالها .قال ليه لمسلسع :انتوما غير تتعيوو في ريوسكم وتتضيعو الدوا . راه هذاك موحالش يعيش

السلام عليكم مرحبا
هذا واحد الشاب غادي معا أباه في الزنقة
الولد قال لباه : أبا غادي ندي شي كيري
قال لو أباه: آش بغيتي شي كيري راها متليقش ليك . دي عبوش بنت عمك. قالو ولدو : وا با راه كيري فرماج بنين بزاف
جاوبو أباه : حتى عبوش أوليدي راها زبدة حلوة ورطبة
الولد : وابا وابا و راه كيري تتكااآل
قالو باه : حتى أنت أوليدي كول عبوش .

سمعو ليا أخوتي راه حنا غالطين في سمية لحريرة
وا زعما الصراحة هاذي
نعطيكم دليل راه حنا مخصناش نقولو ليها مسكينة لحريرة
مني تتكون شي خدمة مخصرة مخرمزة مشي هي هاديك آش تنقولو ليها
وفكرو معايا مزيان
تنقولو آش هاذ الروينة آش هاذ لحريرة وا حريرة هاذي القضية محرحرة
إوا هذا ظلم كبير في حق لحريرة الحسوة أسكيف
ولحريرة مسكدة ومتولة وبنينة طايبة بالعطور والثوابل والقطاني ( الكياس )
ولحيمات ولاغير شحيمة كاع والبيض والشعرية وضامة البنة
والزيت آركان , وما آدراك ما أركان أو البلدية بنت لبلاد واللي ماعندوش غادي يدير لوسيور أو زيت سانكو ولا ويلور وريحة لحريرة تتعطعط وتتنشنش تتشم من راس الدرب بلكرافص والقزبر والمعدنوس وراس الحانوت لا طيط دو لابوتيك . واشنو غادي نسميوها وهي خدمة مصلوحة متولة مقادة تتشهي وتتلهي كيف قالو سيادنا لوالى طاببة على حقها وطريقها
واش مشي حشومة وعار وعيب نقولو ليها لحريرة ونسميوها لحريرة
وحتى لعجنة ديال لبغلي ( السيمة ) تيقولو ليها لمغاربة لحريرة واش هذا معقول .كولشي حريرة الدعوة محرحرة ’ ودابا يا عشاق لحريرة في نظركم , فكرو معايا باش نرفعوا علها الحيف ونكرموها ونسميوها بسميتها الحقيقية آشنو قلتو ؟

الأشغال العمومية تيزفتو الطريق تيديرو ليها الكودرون
واحد لمرا قصيرة وغليظة بزاف بزاف عندها فورمة اللفت , دايزا فوق الطيطوار (الرصيف ) من الزنقة اللي تيزفتوها
أطنان ديال اللحوم دايزة تتململ بالسململ بسم الله الرحمن الرحيم داف رداف داف رداف
الشاف شانطي شير لشيفور الدكاكة قال ليه
أرا الدكاكة هنا , ودك الارض مزيان
لمرا لغليظة اللي دايزا قالت ليه : يدك على مك الارض يا لقرع المجوط
الشاف شانطي تلافت جيهتها معلابالوش وشداتو الضحكة مقدرش يحبسها
وقال ليها : مشي أنتي ألمرا والله ماعليك

واااضحك مزيااان , ولا ما جاكش الضحك راه معندي ما ندير ليك ألعموم ألخويل الغالب الله يمكن شي بياسة عندك خاسرة , خاصها الإصلاح , أو لا الرشونج .

واحد الرجل تيتبوق مزيان
حتى لنصصات الليل عادا تيجي تيتهاما للدار. ماسح عينيه مزيان كيف تيقولو التوالا. الرجل تيدق الباب بالجهد , مرتو فاقت من النعاس وطلت من لفوق ورمات لراجلها المبوق الساروت ( المفتاح) الرجل مقلوب النيت الروايد مايدورو هز الساروت من الارض وتيقول ليه وفينك أسويريت ما لقاه غير بزز, وقال لمرتو وفين الثقبة . وآارمي الثقبة .

هذا واحد الشمكار قال خصنا نديرو شي مشروع أو شي بيعة وشرية
عيا ما يفكر العين بيصارة واليد مخارة
وا نعاودها ليكم بحال لخروفة
جاب قصبة وسنارة وقفة وجلس على الطريطوار (الرصيف)حط حداه القفة ورما السنارة في الكودرون وهو شاد القصبة بيديه بجوج
اللي داز من حداه تيقول الله يبقي الستر الله يحد الباس
وبعض الناس تيرميو ليه في القفة الفلوس
شافو واحد لفضولي وقال في نفسو غادي نسولو آش تيصيد
قال ليه لفضولي نسولك أسى واخا
قال ليه الشمكار أيه تفضل ما كاين حتى شي مشكل
لفضولي قال ليه هذا راه مشي واد تيصيدو فيه الصيادة
قال ليه الشمكار عارف . كون كان الكودرونات ويدان كاع ميكون اليوم العالمي للماء ’ قال ليه الفضولي إوا أشنو تتصيد
قال له الشمكار نقولها ليك بشرطين
ألاول تضور معايا ونقول ليك الحكمة
والثانية مني نقولها ليك متقولها لحد
قالو الفضولي قبلت
شمكار قال ليه حلف متقولها لحد
لفضولي : وعد ما تخرج من فمي سرك في بير
الشمكار كحب باش نقول ليك
لفضولي : كحكحح كحكحح
الشمكاروا عشرة الدراهم قلا كحكحح
لفضولي معليه غير جبد عشرة الدراهم وعطاها للشمكار وقال ليه أشنو تتصيد
الشمكار- قال ليه : تنصيد لكوانب بحالك وسير متقولهاش راك حلفتي متصيدش غير بوحدك

السلام عليكم ورحمة الله تعالى وبركاته
سأل أحدهم صديقه وهما يسيران في الطريق : ما اسم اليوم الذي نحن فيه ؟ أجابه رفيقه بلغز : إذا كان البارحة هو الغذ سنكون نحن في يوم الجمعة ’ إذن ما هو اليوم الذي هما فيه؟

الموسيقى تـنـشـد هتافات طبول تقرع
والأسود في المـيدان مدربهـم الـسبـع
هجوم ومراوغات أشداء فـريق بــرع
للأفاعي فحيح ولسمها تذوقته تجـرع
وعلى العشب تركض تـجـري تـسرع
أذاقتها الليوث مرارة النصر هلع فـزع
وأسال عيونها نكراء الهزيمة بكاء دمع

شعشع بعبع قراقع ’ فحيح أفاعي لاينجع
هعخع يجري يفرتح ’ وعلى قلقولته يتكردع
رابعة بيوت في الشباك ’ شراد ويـان يتبـع
والكول المفعفع لا لها ’ ما يبرق ولا يـقشع
تعشينا نخبها حريرة ’ وأتـبعـناها أتايا منعـنع
وأسود الأطلس فرجة ’كوغطوا وصيفطوا اللفع
[/b]

أرا واحد السلام عليكم’
هذا مروكي وجابوني حصلوهم شدوهم . حكمو عليهم باش يقطعو لكل واحد منهم صبع
قطعو لمروكي صبع , وميكو على الجابوني ما قطعوش ليه الصبع
.المروكي حتج وكعا وشكا
قال ليهم : علاش قطعتو لياأنا صبعي ومقطعتوش لجابوني صبعو ؟
قالو ليه : إوا إلى الجابوني , راه تيصنع بداك الصبع لعجب , التكنولوجيا
إوا إلى انت راك تظل خاشيه في نيفك تجبد بيه المعدن .

هذا واحد الغلاق مشا يدوز كونكور ديال القص (الماكلة) سول العساس ديال المؤسسة اللي تيدوزو فيها الإمتحان ديال الصريط ولعساس طايرا لو قنوفتو التحتانية , عضها واحد النهار وكلاها معا الماكلة دازت مشفهاش ,وداروه عساس في الباب الرجل الغلاق دا معاه عاشق كبيرة اللي تيحركو بها لحريرة خباها تحت حوايجو ومشا باش يدوز الكونكور ديال التغلاق .أو هو يسول العساس اللي كلا قنوفتو,أسي العساس واش هنا تيدوزولمتحان ديال شكون اللي ياكل بزاف ؟قال ليه العساس طاير القنوفة:
لعاش تتوسل,شاو تنا غابي تودز لكونروك’شاب تتالك’- الغلاق ما قشع والو من الهضرة ديال بو شلقومة , افتح لو الباب وقال ليه: لدخ لدالخ تفوش ترفج لعى الكونروك منرحموكش نم لفجارة لدخ يا سمكين نأ لكيت فنوقتي ورادوني سعاس’الغلاق ادخل وغير فات الباب لقا واحد جالس وفاتح فمو وتيوكلوه ثلاثة بالبالات محاميين عليه بحال إلى تيخلطو البنايةعجنة البغلي وتيرميو في فم اللي جالس .الغلاق سكت ماقال والو ما بينش لعويشقة ديالو’قالو ليه واش جيتي تدوز الكونكور؟قال لهم : لا لا لا أنا غير متفرج قالو ليه الى انت متفرج دخل تشوف لداخل هذا اللي شفتي تيدوز باش يكون شاوش’الغلاق دخل شي شويا لداخل شاف لعجب .راجل متكي وفاتح فمو ولبان داير مرشاريير تيكب ليه الباناشي ديال الماكلة والستيرنا تتكب ليه بالتيو ديال البومبيا العصير وباركا ألخوادري راه السلوقية كبيرة ’بزاف ’ أواه راه يزلق فيها جمل

*هذا واحد الرجل مسكين ما فحالوش ’ مشا لرحبة لغنم باش يشري شي خريف صغيور لعيد لكبير ويفرح وليداتو’
لقا لغلا العافية شاعلة السوق طالع بزاف. الرجل بقا تيدور تيدور ويساوم مشرا والو . واحد لحمق متبعو, لحمق بقا فيه الرجل المسكين , وبغا يعاونو : قال ليه: الجديد راه غالي ’ سير لجوطية ’ ديباني بشي بون أوكازيون وعدي بيه ’ حتى يجيب التيسير
• *واحد الرجل في السوق مشرا والو , وغير تيساوم وقال لتيبيع : الله يجيب التيسير ( التيسير نوع من البوطة- تيسير غاز ) اللي تيبيع كعا : ردعليه : الله يجيب حتى كوبين كاز .
* واحد الكماي تيكمي فافوريت معندوش وسلات لو لبيكية ديال فافوريت , بغا يقطع من الكيشي يسافر للدار البيضاء ( كازا )مشا فين تيقطعو لبلاصة , قال ليه مول الكيشي شحال واش كازا شحال من بلاصة ؟ قال ليه الكماي وعينيه مسدودين مقطوع : باكية فافوريت وحدة.

بارك الله فيك

السلام عليكم
هذا واحد الرجل الليلة فال لمرتو آش درتى لينا في لعشا
- قالت ليه مرتو : شلاضة بالخص
- اللية الثانية فال لمرتو :آش درتى لينا في لعشا
- قالت ليه مرتو: الخرشف بالقزبر
- اللية الثالثة الرجل فال لمرتو :آش درتى لينا في لعشا
- قالت ليه مرتو: لكرنب بالمعدنوس
اللية الرابعة الرجل قال لمرتو : وجدي الدراري غادي نتعشاو هاذ الليلة برا في شي جردة
لمرا يا حليلي غادي نتعشاو برا: باش غادين نتعشاو؟
الرجل :بالكازو( guazon) والنوار اللي غرساتو البلدية

أرا نكركرو شي شويا
وا مــي ’ راه بالنهار مني تنكون صايم تنقول في نفسي في لفطور مغاديش نشبع ’ راه فيا الغولة ديال الماكلة ’ غرفي ليا لحريرة من لقاع وجبدي الكياس من لتحت بلمغرفة وكبي ليا لحريرة في لكاسرونة لكبيرة ’
- راه ضرني الجوع بزاف – شدني الهيمري – وا خليت بالجوع - راني تخرطت - مصارني تيلعبو تكشبيلة – مصارني تيزغرتو بلا عرس – وا فيا اللهطة - وا فيا اللهفة - جاتني السخفة والدوخة – بغيت ندوز من البلحوحة - بغيت انحنجر- الجوع مرض و ضر - غادي نطيح بلا نعمة – بغيت نصرط – وبغيت نبلع باش نشبع - وا بغيت ندخل في وجهي – باغي نعالج – وغير نشم ريحة الماكلة تتشدني الرعشة والرعدة وبوفالج – وبغيت نقمقم ونحيد على كرشي الهم – وبغيت نشدق - وبغيت نمضغ - وبغيت نهرد ونزرد – وبغيت نخدم فمي - وبغيت نطيح في الماكلة عما ما نعرف حد حتى نكمل خدمتي - وبغيت ندكدك الماكلة – كرشى خاوية تتصفر عل لخوا , لاعبة لاربيط – لصقت معا ظهري – كرشي تتلعب السنيترة والكمانجة – وآ بغيت نطحن – وبغيت نعلف - وبغيت نغلاق – مصارني مخاصمين معا كرشي – بغيت نصالحهم بالتخمات – ونسكتهم بشي لقمات والدغمات – بلحريرة والتمر وشي بريوات و الشباكية والبيض واللحيمات مشويات ’ عصير الباناشي والشريحة وحوتات مقليات و البغريروالبطبوط ومسيمنات’ فلو والقهوة بلحليب معا المكسرات الكركاع ولويزات ’ شلاضة والموناضة وكعب غزال وحليوات ’ وا مـي وديري لينا لعشا راه غادي نخرج شويا نتمشا قلبي فيه يتفاجا ’ حمري في الطاجين شي دجاجة وكاميلة ديال الدواز الدوارة معا الكرشة مخضرة غير بالزبيب ولبصلة ومطيشة ’ والشلايض والفواكه باردة من الثلاجة ’ والسحور يكون متخم مفخفخ مبرع . نجلس ونتربع نخشي في طحشتي حتى نتكرع ’ وبعدو من حدايا ’ راه غادي ينوض فيا الدكديك الحامض والريح لمسركح ولعجاجة .
هزو لهذا فاتحة ( أو لا عادا داخلة لصبيطار باش تفتح) هزوا كفوفكم لفوق لفوق بزاف ندعيو معا هاذ الكارثة حينت فيه السينتة ’والحنشة وكرشو دايرا ليه الفي ولفضيحة ’ ألا يعطيه شي عشا فيه السهلة والسويهله ’ و كاسكروط بيريمي’ ومعا الوحدة ونص ديال الليل تجيه الزحمة, وتشدو الصريصرة الزربانة , ويغوث ويولول ’ ويديوه ليرجانس ويلقاو الصبيطار داير الإضراب ماخدامش’ ويعمر الصبيطار بالتصرصير’ويقول ليهم بغيت بيت الما ’ ويقولو ليه مكاينش بيت الما ’ عندنا بيت الضو ’ ولفراملية هربانين لكعيط نميرو أونز دايرين لتامات ولكمامات طالبين الإغاثة من فرقة الخوارئ ’ اللي لابسين الكاموني والماسك المضاد للنووي , لفراملية هازين اللافتات مكتوب فيها ’ نطالب بعدم استقبال أصحاب الصريصرة . والمعصومين بالهندية .

* واحد البوليسي شد شمكار
قال ليه البوليسي : تتقرقب
الشمكار : ولا ما تنتقرقب ’ متنديرش الحس

* واحد بغا يضرب الصداق جابها في لعدول

* هذا واحد يغا يدوز لمتحان ’ دوزو بالخبز وتاي’

واحد لمبوق مزيان قال صاحبو حتى هو مبوق كثر منو
قال ليه : شوف واش عيني حمرين
قال ليه صاحبو: إيه حمرين بزاف
قال ليه واش تيضروني
جاوبو قال ليه : شي شويا

واحد عندو عينيه خارجين
قال لو صاحبو : مال عينيك خرجين
جاوبو : راه غير أنا زايد لقدام

لعيالات مجمعات في رمضان ومعاهم واحد لعكوزة( عجوز)
تيهضرو وتيقولو :
هاد العام جا رمضان في الصيف لحال سخون
لعكوزة تكلمت وقالت ليهم :
إيه يا بنيتي كون مشي دوك الجغيمات ديال لوضو كل مرة كون راه حلقنا وكح

روعة

مشكور الأخ وسيم
دكتور وسيم

العفو اخي

شكرا جزيلا للأخ المحترم وسيم
الدكتور وسيم
ردك جميل ’ وآرائك في الصميم محترمة
سنضيف صورا أخرى كاريكاتورية

دمت بخير

الرياضة البوخراربية

رماية أهداف بوخرارا

نكت مغربية أصيلة - صفحة 2 K7aBG

واو جميل

شكرا جزيلا لردك الكريم دكتور وسيم

هذي هي التبويقة ولا فلا .
واش هاذي نكثة او لا قصة
هذا واحد المحشش مبوق 7مزيان درجة سلم ريشتر ديال لفليب لمقلقل كيعاود آش قال ليه القران ديال دماغو :
ول - البارح اللي فات مات . ما نعرف واش كنت تنتسارى ونا معركها بيصارة بالكرشة والدوارة ديال الفول والجلبانة تنتفسح بصح في واحد الجنان ديال أركان بإنزكان بانت ليا كرمة ديال الزيتون يمكن جبوج مزرزرة برقوق وكبير كل عنبة يا خوخة قد الليمون لكليمانتين اللي بحال منضرين وأنا نطلع لديك النخلة بلكشيفة ووحلة باش ناخذ منها تفاحة ، فيها لبنان طايب وحلو ديت من المشماش منو للدار درت بيه عصير ديال لاڤـوكا مني شربت الأناناس ضراتني كرشي لكبيرة بزاف بلا قياس وقع فيها الزلزال والعاصفة والصونامي ديال السكرتح ونا نفرتح عند الطبيب السي لحبيب اللي لابس طابلية طويلة وطاقية بيضة في راسو ’وا مشي بيضة ديال الدجاج وا كولور بحال هدوك اللي تيبيعو لينا اللبن والجبن وصايكوك وانت واقف تسيكك بالزربة في الزلافة الجبانية . هو في الترانت سيس 36 . قال لي الطبيب وواعر هو وطويل : داك لفريز اللي كليتي ديال الكوكو هو السباب حينت كيوي خاطب حب لملوك الستيتو البعلوك واخا تاكل منو رموك هو معارف معا بوعويد الزرواطي . ديما معاه هراوة . بسيف حينت بوعزة حينا ولد عم التوت لرض خال توت السما ’ الشهدية بنت الأصل ولمفصل عمتو من باباها. قلت ليه هي دابا نبعد كاع من الرمان السفري ولا الحامض دار ليا التغامض مشي السيطرون اللي يقولو ليه القارس العضاض الطاصيلة ديال النافيل . صافي من دابا حلفت ما نبقى ناكل السويهلة بالعاشق ولا لمهاية بلفراشط حينت هي نسيبة لمنون لمجنون . أصلا وفصلا ومريض بأصلا الدلاح لمشرط لمخطط خو الكوار لمكركب لمكرط كايديرو ليا السرباية والصريصرة مني تنبغي نسافر لسويسرا مني تقطع لبحر هاذ الشي اللي قالو وأنا ما نقدر نقطع حتىالواد واد زم عادا لبحر لايرحل أههه يهبطني الما المالح ونولي قديد وياكلني لحوت لحي لخضر كون كان غير حلو واخا يبقى بنادم يشرب يشرب يتنفخ كاع ويهزو لما ويعوم في الما لحلو ’ باريدة ولما لحلو , حتى يقطع الخبز او لا لحرشة لبنينة معا شي لبينة . ونا ما عنديش معا البطيخ ولد الليخ الشارف لمكمش ولا حتى معا خوه لملس لمفلس اللي ما يحلس صفرين باينين مراض خاصهم الدم تحاقن الدم يحلب ليهم الباربا الشيخة لمعكرة بلعكر لحمر الخضاري اللي يقولو ليها البيطراف بالزعاف ويعتق بيها المنكوبين الصفرين الجلدة حتى ترجع فيه الروح لتروح ويميك عليهم . ما يليق للبطيخ غير ترتليخ والتفرشيخ ولكزير والسليخ طبع وشبع بالصراحة فيه الشوك وغير هندي بلوط منبق تيتعلق فين يتفلق . وساسنو غير ساكن في لخلا في راس الشوكة في لرض المتروكة حسن منو ولد الناس حلو وزوين ظريف معندو زهر وتيربطوه ويزلكوه بشريط علاش هو والشريحة لمليحة الكارحة لمعيسلة هي رابطينها بحبل قاصح مشمع وبدا ريقها تيتلصق ويدمع ومبصطينها مخمجين ليها الراس بالهرماكة هاك شري تربح وتتبكي تسمع غواثها تتكبع حصلت : مي حية مي حية في الطوارو والبرامل وصراق الزيت ناشط معا قبو سكران بالماحية تيشطح ها اللواه سي لواه قرت بفعايلها عليها حزموها باش تجلس وتركن تهدن وتراكا في البراكا وباش متعليش الراس الفرطاس وعلاش رابطونهم خايفين ليهربو ليهم ساسنو والشريحة ويحرقو لبرا . ساسنو لبيق فريد من نوعو . غير مسكين هو اللي غادي يحرق الشريحة معاه حينت مداوها فيه . الشريحة هي حية بصح شفتها بعيني اللي حدا ودنيا او هوما كاذبين عليها فالو ماتت مني كانت حلوف كرموص فيه الناموس شي تيقول توفات وهي صغيرة فاش كانت باكور الهندي كركور ماشرحوهاش حينت مادارتش كسيدة وما عمرها نعسات في الصبيطار عند العطار . وعاقو بيهم العياقة وربطوهم , الشريحة الواقفة اللي ما مخبزاش اليابسة الكارمة ’العيانة هي اللي قالتها حاقدة على ساسنو وما ربطوهاش وما قرصوهاش .ساسنو تيعرف الشيبة من بكري الشيبة لحبيبة اللي طوشات عليها الكلبة والذيبة جنب الزريبة ما لقاو منين يقبطوها وربطوها حزامي ورباطي ولا فاسي كاع ألا يعطينا غيرالصحة والسلامة قالو ليها لشيبة فيك ريحة خايبة يا لعايبة فيك ريحة لخمر يالعمر والويسكي الشيكي وبا علال تيقولو للشيبة والنعناع ليقامة الا يحد الباس معرفنا ليقامة واش تبيخا خلطة ولا سكن اجتماعي . تخلطت وتجلطت واخا واش القهوة الكحلة اللي تيشربوها الشيفورات هي اللي تتصوق طوموبيلة كاوكاوا واش هي اللي شادا الكيدون , القهوة لكحلة هي راه ماشي كحلة دوريجين أصلها بيض . هوما اللي كحلوها . نقص من لكسيراتور عل الموطور يا الشيفور أمول القهوة لكحلة لقاصحة راه بني عمك معاك اللور شرب لحليب تكون لبيب يا لصحيب ولا الحولية لحديدة أمورتيسور جديدة الشاكمة لعافية وفيق كون لبيق , والغادي بعيد وغير سير ما غاديش نركب معاك واش لبحر فيه لحفاري والسكوس وعلامات المرور ألا وعلاش تيديرو فيه لكسايد والتصاطيح في الصبيح . وقال ليا الطبيب اللي واقف على رجليه حدايا غادي ندك ليك برة تنقص منك الهضرة باش تبرا من هاد الشي اللي فيك طرا وجرا وترجع تقرا وتخرج من هاد القهرة انت واكل تيغشت ولا الشندكورة واش انت بقرة عالف عبرة ديال البشنة ولكبال واالذرة مالك داير في حالك هاد الالحالة بسيف كرشك تجرا وتهرا . ونحيد منك لحموضة زايدة فيك بلا قياس ديال حبة الترفاس وريحة البسباس مدوخة ليك الراس دارت ليك النعاس والنحاس راسك خاوي مغربل مثقوب كسكاس وغير فكعة والفكيع تطير منك دوخة السفرجل لمسركل اللي فيها انت واحل آويضرب فيك ريح برد السواحل آش كليتي يا هاذ الرجل خاصك تفلاشا كارط مير مشا في البير . وبغيتي تفرفر وتطيربالنفحة والتسطير . الطبيب زعلان. ما نعرف يمكن أنا اللي حاضر مخدامش وتنتكلم مكالي وبالكالة لبان ليرجع لريان الشمة في فمي نحكي همي الطبيب غوث غوثة عل لممرضة لغليظة مباركة قال ليا غادي تديك لبلوك تفركك وتعركك دروكة بالفراكة باش ترسا وتراكا ياهاذ لماركا .وتدوزك للعيادة تحيد منك شينة لعادة فيك الزيادة تمرمدك في التبزيرة راك واكل شلا خميرة ماتديروليهش لبنج راه شبعان سفنج مغطوه غسلوه بالفيدونج. قلت ليه ما باقيش نعاود ياسي الطبيب ناكل التمر مخي منو خسر ’ تخمر دكس بزاف وعمر . ناض فيه القوق القاصح والمسلوق طاح في السخون تشوى في الباناشي لمكلاصي . والسخون أمولاي عقوب ديال لكرونب لقرع لمصلع لمبطط ومطيشة مزنكة لمبصلة بلبوارو اللملخة لمفجلة بالتكراع اللي فيه الجير لواه فيه الصباغة . والشوفلور بوقطاية لابس عمامة كرزية لقاضي بورزة لمفلفل ولمحرحر والقلياط تيولول ويهرول في السروية تيشوي البرد تيوعوع شاد في الخاوي لاصقاه النعرة من الضبرة متعاتقش معاه والو حتى يشرب الما سيدي على او لا سيدي سيدي حرازم اولا سيدي قاسم لالالاما تقسم معايا ياخويا حقي من السودانية لحارة الدرداكة الفزفازة وغير خودو وغير خودوني . راه الحلبة المعفونة والثومة الدمدومة تيحيدو االتكليخة والتمليخة والسموم وخا ريحتها شينة نثينة في الحلقوم . ألا يهديك يا الكرعة الشطاحة عل الخرشوف البلدي والرومي حتى يتصالح الحامض معا اللفت لملفت مدور وجهو كبر ليه الشان وغير تلفت طيرو ليه اللفت المحفور المقبور وديما مغيس مزغب مشعر بحال العتروس وديما مدردك وزيد دردك وعاود دردك كول اللفت يحيد منك الزفت , خيزو بيزو كولو لا تغزو اللفت لمكركب صفر لكمارة ما يحشم ولا يرمش ماداها فيه حد ودار حتى هو لكرون آش غادي تنطح يا لفطح لمسطح يا القزم كون تحشم معاند معا اللفت لبيض لبلق الفياش, بطاطا لقصبية عوبية بطاطا لحلوة تدير القوة وعييت ما ناكل في لحلوة ولا حتى لمسوسة وشواري عامر بطيبوهاري مالح ومليح حمص كامون جبان كولو بان كرينبوش الحميضة لخبيزة لبابوش لعسلوج ولكرافس تكرفس عل لخص ضربو حتى لصق في الضص وناري شلاضة ولات صلاطة ولا تفاك القزبر معا المعدنوس حينت رخيص بليكي وما عندو فلوس وكليت وعمرتها فريت وا كرشي دارت ليا الفي ولاوليت بريسلي ولا حتى ماوكلي , وحيد آ الميلودي وا حيد وديما مبوق وكاع مامسوق ومالك مصرفق . بطاطا بطاطا – بطاطا مقلية مزيانة بطاطا بطاطا – بطاطا في الزيت . بطاطا بطاطا – بطاطا فريت . وما يتريت. أفكاس أوا أغروم والزيت .
إدخال Marocain-XF

» أمثلة ونوادر مغربية وطرائف أصيلة أدخل وتمتع
» حكم مغربية
» نكت مغربية
» رسالة ود مغربية
» نكت مغربية مضحكة