أمثلة ونوادر مغربية وطرائف أصيلة أدخل وتمتع

* اضحك على اللي اشراك واللي باعك تهنا منك
* شنفر حتى عيا ورام لقدور
* آش غادي يدي المقص المصدي من الوتد والمكدي
* واش غادي يدي المقص من الضص
*البعكاك ديما مشكاك
* اللي ما تبغيه , يسكيـو ليك معاه
* اللي بغا سيدي بوغانم يقبل عليه بقلالشو
* اللي ما تبغي تشوفو حتى في المنام , يوري ليك قفاه في الحمام
* الشوف ما يبرد الجوف
* ما عندو حتى وقفة بلارج
* معندو علاش يحشم
* بيع الشمس . وغيب تصيب ,
* جا من ورا الشمس
* اللي ما عرفك خسرك
* قالو شمتك قالو عرفتك
* فمو ينبح وقلبو يزدح
* كيف الهاما غير كيتهاما
* وسير تصيد الفار
* العروبي إلى تبلد بحال البندير إلى تجلد
* وياك المشتاق إلى فاق
* واللي حداك اعطيه واللي ناعس غطيه
* اللي مو في العرس ما يخاف
* واش غدي يعرف الحمار لسكنجبير
* العود الراشي تيعمي
* الفار المرعود المقزقز من سعد المش
* ا لفار الغدار تيدخل للدار بلا شوار
* اعبر شبر واجلس
* معندو فين تبات القملة
* العدس تيقفل الودنين
* شاف الدفلة وسحابها ريال
* الله يعطيه ما تعطا لبلارج ,العين مبرققة والرجلين في المارج
* الله يعطيه ما تعطى للنوق , تيكلوه قوق ويحطوه برقوق
* اللي كلاتو المعزة في الجبل في الوطى تحطو بريم
* الله ينجيك من كحل الراس
* البس قدك يواتيك
* دخلناه من الشتا بغا حقو من الورت
* جلاخا ويسحاب كاع الناس
* واحضي من خيك ليهرب ليك بالحكيك
* حزموه ورزموه ولا تعولو عليه
* مرحبا باللي جا وجاب , واللي ما جاب ماعليه جواب
* الضيف ما يتشرط ومول الدار ما يفرط
* ولد الجيعانة ديما ريوكو سايلين
* دار المهيف ما تدوق
* ما يشم الجار ما يدوق الفار
* إيطيح الفار يتزوا
* مشيش البخيل ديما معلول
* الما والشطابة حتى لقاع الواد, الجايحة تضربو
* تيتلاوط ويتزاوط وهوغيركيجمع الكواغط
* اللي اعطا الله اعطاه واللي زلق جا على عين قفاه .لهلا يردو
* اللي ضرو حالو ايدير بحالو
* جابها في راسو حتى تهرسولو ضراسو
* عاش ما اكسب مات ما خلا
* الى ابغيتي تحافظ لو على ساسو غطي لو راسو
* ولد النعجة ياكلو الذيب
* كولشي يتقادا يبقى غير زين العادا
* مالو يميل حالو . ويمشيوعشرة من اعوالو
* ما قدنا الفيل جاتنا الفيلة
* الفول تيتعطا غير اللي ما عندو ضراس
* ما صنعوالمهراس حتى عياو بتغزازو
* منفوخ عل- الخوا حينت تيشرب الدوا
* كيشكي لو بالعكر قالو مبروك ا لعزري
* حجامة كيتعلمو في روس ليتامى
* ايبيعو القرد ويضحكو على اللي اشراه
* ما عندك ما تعمل جهدك تفلي القمل
* ها اللي قالت الشوافة
* آش عند الشوافة متشوف , وتشوف غير سعدهاا فين*
* (باب الشوافة) دق... دق... دق...اشكون , احداك ’ اومعرفتي شكون ,عادا تعرفي.سعدي او زهري فين والكانون .
* ولد الشوافة مافيه وفا
* انطح راسك معا الحيط
* الله يجيب ليك معامن
* الحاج حاج والكمزة مزالة فيه
* اشرب لبحر
* قديم وغشيم
* مدرنا في الطاجين ميتحرق
*اطلع الكرمة انزل شكون قالها ليك
* بحال الرابوز مفيه نفس
* الفرق اكبير ما بين لكبالة والرمانة
* السروال لقصيف والعيشة بسيف
* عيشة الذبانة في لبطانة
* غير الشيح والريح
* المشطر تيتقضا جوج مرات من السوق
* معزة طلعت معزة هبطت
* معزة ولو طارت
* كيف المنشار طالع واكل هابط واكل
* اعطيو الولد الحاج آش بغا أو لا يطيح من الباطيما
* قالو السلام عليكم , قالو جينا انغرسو الفول
* قالو السلام عليكم تتجبد البطاطا
* إلى هزيناك أسي لفقيه متجرش رجليك
* السما السابعة وقريبة ليك
* حتى يهرنط الحمار في البحر
*النخوا عل لخوا
*الريف دور وماكلة الحلبة
* شي يهودي مات في الملاح
* الصدقة خرجت من لحبس
* لا والي لا تالي
* مقطوع من شجرة
* وغير الشنعة لا ديالي بقا لا تاعي تنقا
* سمرو ليه عل لحفا
* لا تابع لا متبوع
* كوغطوه أوسيفطوه
* ردو لو ظهرو رطب من كرشو
* ميات تخميمة او تخميمة ولا ضربة بالمقص
* حاضي غير الربعات
* وغير ضرب ضورة وجبد بنت العورة
* ديها في سوق راسك
* الراسا الخامجة
* اللي تعجب يتبلا
* عند بالهم حنا واكلين الشندكورة
* اللي ما قنع بخبزة يقنع بنصها
* مريضنا ما عندو باس
* اللي تخدمو طيعو. واللي ترهنو بيعو
*الزين في الدفلة او حار
*الزين يحشم على زنو والخايب غير الى هداه الله
*الخدمة معا النصارى ولا الكلوس خسارة
* ما يمشي على كرشو غير لحنش
* اخدم أتاعس عل الناعس
* دير النية وانعس معا الحية ( هادا كان زمان , غدي تكوحك)
* النية بالنية والحاجة مقضية
* نية العما في عكازو
* لا تيق لا تيق حتى تفرز لعدو من الصديق
* الى صافي شربو
* الى شبعتي شري لبان
* نيتو غارقا
* السحاب في السما
* واش شتي الذيب شتو واش شفتي كعلالتو
* ربعة او ضاما , جمع ما عندكش
* سخونيةالراس كترجع بالبرودة
* اللي اعندو باه عندو سيدو
* اللي ما عندو مو عندو لالاه
* اوريه وريه ولا عما سير او خليه
* بو اودينة وحدة
* عينيه تيدورو في راسو
* كلك زبدة كلك عسل , مفيك ما يتعزل
* شدو المنطيح ليطيح

* اللي بغاها كاع ايخليها كاع
* وغير تلفت طيرو لو للفت
* غمض عينك , طارت
* الكزار يتعشى باللفت
* لكبيرة في الكركاع خاوية
* كون غير جيتي لبارح درنا كسكسو
* الضامن بشكارتو
* ضربة بالفاس ولا كلام الناس
* ربا فرانسي او لحصيرة
* جبد على كودك
* ديرين يد من لفوق او يد من لتحت
* لحمية تغلب السبع
* كول القوت وتسنى الموت
* معرفنا شكون السابق , ولا شكون اللاحق
* خديم سيادي ,اللي يعزوني ويعزو اجدادي
* خديم الناس سيدهم
* كيطحن الخبز , تيدكدك النعمة
* غير كيبلع ما يقنع لا يشع
* تينتف بديه او رجليه
* كياكل ومباين عليه
* تياكل فاش يطيب
* مياكل بوحدو غير الطبل
* ما يفرق لا بين الليف ولا الزرواطة
* أنت نعس ونا نشخر
* ولا مشا عليك الكار وشد في المزرار
* اللي قرسو لحنش يخاف من الشريط
* ما تدير ايديك فغيران ميعضوك حناش
* شكون اللي ضربك على يديك
* سخونية الراس تترجع بلبرودة
* قالو لعروبي معاش يمشي الستومو(CTM ) قالو لمقلقل ومعا الطنوشو(12)
* وشحال قدك تنين اللي بايت بلا عشا *
* زغرتو مصارنو في كرشو جبد البورطابل وقال ألو ,(جديد) *
* كالس على كرسي ومدابز معا البيسي PC (جديد)

* ديما الفوق بحال الزيت فوق الما
* ميعيش في الخواض غير الفكرون
* حيد عادة منها تعادى
* الطالب يطلب ومرتو تصدق
* علمهم التجارة لا تعلمهم الإجارة
* الجديد جديد ولقديم لا تفرط فيه
* صنعة بوك ليغلبوك
* نوضوها تشطح دارتها بصح
* هبيلة وكالو ليها زغرتي
* الجرانة خرجت من الما باش تشمش , وهي الشتا بدات تتصب , وقالت الى غير الما لداخل , الما برا, بحال بحال , أتشب , ورجعت للما فين كانت,
* كول او قيس
* ما تكل غير اللي مكتاب ليك ,
* ومتمشي غير فين ما مشاك الله
* السكات حكمة ومنو تفرقت الحكايم ...
* اللي بغا بريدة والما لحلو يتصاحب مع الكراب في الليالي
* مماتش غير خرجو لو مصارنو
* شاف الزين ما شاف الحفا
* معمرو حبا ومني حبا طاح في البير
* ألمزوق من برا آش خبارك من لداخل
* ما حدها تتقاقي وهي تتزيد في البيض
* تلخشا بنت عم زعلوك
* الشمش والشتا الذيب تزوج
* معدناش مخصناش
* لا زربة على صلاح
* ازرب تعطل ,
* ضاربو بوتليس
* تيبيت بكري بحال الدجاج
* أولاد الحومة , وفين ساكنين نتوما
* مفيه فايدة
* سي حميدة عزيزعليه القلب والكبيدة , قلبو زوين
* وا طلقنا لفراجا , مول لمليح باع او راح
* السي احمد وصحابو وفين يتصابو

* آش خلاو الوالة ميكولو التوالة
* بني وعلي سير اوخلي
* اللي ماعندو زهر يتعزا فيه
* زهرك آزهرة
* كاع هاد الزهر عند الفقيه
* كون عرفت زهري فين نبيع عليه الغالي والمثين
* الزهر عند العطار تيتباع بالقنطار

رائع

assalamo 3alaykom.chokran aghi ahmed 3ala hadihi al amtila wa annawadir almaghribiya al asila .jazaka allaho bikhayre wa assalam.

* قالو زمان سيربلمهل
* بودنجال تيتكال غير بلمهل
* لا زربة على صلاح
* أشداك تمشي للزين وانتيا رجل مسكين
* الله يحد الباس
* الضامن بشكارتو
* لفقيه لنسناو براكتو داخل للجامع بلغتو
* الصمعة طاحت قالو علقو الحجام
* فلوس اللبان ياكلهم زعطوط
* أهنا طاح ريال أهنا لعبو عليه
* الشارفا كولي لعسل والزيت أركان
* من الخيمة لباب الدار شركت الشربيل أوا
* جا يعاونو في قبر اباه هرب لو بالفاس ( ودير الخير)
* متدير خير ميطرا باس

السلام عليكم
جزاكم الله خيرا وبارك الله فيكم
وشكرا جزيلا لردوداتكم المتميزة
أخونا الكريم ابن الخالة
أخونا الكريم محمد الحسناوي

* لفياق بكري بالذهب مشري
* لحونا لا فران لا طاحزنة
* وفرآن وقاد بحومة
) Guamila* وضرب الكميلة .لا تنسى الفاميلة (

* كول أو قيس
* كول تاكل جنابك , تاكل راسك
* كول أو وكل
* كمي وتكما وعرف أشنو تما
* وا كيت اللي جات فيه
* لحساب صابون
* اللي ما صبن اليوم يصبن غدا ( الله يستر)
* دور أو تبرم , بدل الساعة بوخرى
* آش عند الواحد ميدير ( واش عند حتى جوج ميديرو)
* ضربت لصقت ( ازدف)
* علكا واش من علكا هدي ( الله يبقي الستر)
* مشطبا واش من مشطبا تلقينا معاها
* ها الجاوي ها صلبان يا اللي فيه الحال يبان
* حدا مكة أو مزارها
* اللي زار يخفف ( سوس لبان)
* اتبت أو خلي زرعك ينبت
* اللي قال شوكة حمار فيها الفايدة يغرسها ويجنيها
* نوضو ليا القوق في راسي
* إلى اعطاك العاطي ما تحرث ما تواطي
* اقطع الضبرة تبرا
دير راسك بين الريوس أو غوث آقطاع الريوس *
* وشوف البلا شوف تياكل الخرشوف
* لغدا بمطيشة ولعشا بمطيشة آش هاد المعيشة
* لغدا بلبصلة لعشا بلبصلة آش هاد الحصلة
* لغدا بقنية لعشا بقنية ثما احمارو ودنية( مسكين عزيزة عليه قنية أو لحجل)
* واهيا... سربكو و كوغطو او صيفطو ( كركبو)
* المش مني ما يوصل للكبدة يقول خانزة ( الله الله عل الكبدة القيناها حناعادا المش)
* يخ منو أو عيني فيه
* شكون داها فيك الحسوة نهار العيد ( او لا الحريرة بحال بحال)
* نهارعيدكم نهار جوعكم
* هاز ولدو ويقلب عليه
* ضصر الكلب يلحس ليك فمك ( حشاكم )
* إلى اعطاك العاطي ما تحرث ما تواطي
* راه راه والغوث اوراه ( معندو زهر مسكين)
* زن طق هز اطلق
* واش كاين شي , أولا غير لفرشي
* الدنيا رحا تدور على المغرور

*الدنيا دايرة والسوايع بدالة
* زواج ليلة تدبيرو عام
* علفو عام ميعشيكش ليلة وحدة
* اللي يتسحر معا الدراري يصبح فاطر
* واللي دار راسو في النخالة ينقبوه الدجاج
* اللي قال العصيدة باردة يدير يدو فيها
* الحمرة وباداز , البندق بالكرداس والراس راه تيتفور في الكسكاس( الله الله)
* واالعساس وعداك أوا يديك النعاس
* العرس الهرس
* اللي ما عندو فلوس كلامو مسوس , وسوس عليا سوس
* ولد القاع والباع والشمعة من دراع
* ما بين السبولة والسبولة يقيل ويبات ولد المهبولة
* وغير تطبل في الما حتى يقصاح
* ما تفرق جديانك من الجديان حتى تفوت ليالي حيان
* ميتريت , افكاس أوا أغروم والزيت
* الخير اولخمير مشرجي عل- لحمير
* دخل لبلاد فليو وبغا يتعلم لعطيس
* بغا يلعب السكي في سيدي المكي
* الما واللي طلبو – لبن واللي داز عليه - العصا واللي قلب عليها .
* لعصا لمن يعصى
* حفيان أو كحيان وحافظ القرآن ( الله يرضي عليه)
* ولد عايلة وخنونتو سايلة ( وبشحال لستيك أمول لاستيك) فررر , ومشي لبيع.
* اللي زرع الريح يحصد لعجاج
* يعلف دجاجو وطامع في ديال الناس
Baum الحاج و الزاج ولعجاج والفيراج, (وعندالعسكر الميراج) وياك*
* أشداك لعراس أمنتوفة الراس
* وياك المرا النواحة والبقرة الطواحة
* اربط تصيب ما تطلق
* اللهم لعمش ولا لعما
* باش ما عطا الله عدي حتى نوصلو لسيدي عدي( منطقة الأطلس)
* عدي او بيهي ( السوس)
* لمصارن في الكرش خوت او تيدابزو ويتصالحو * وغير كور واعطي لعور
* المكسي بديال لناس عريان
* اللي باقي في عمرو نهار ومات
* الكرعة والسلاوية ناضو في السروية
* محزم بالكرعة ومعول عل- الفكوس
* البلغة بغات تقطع الواد , عيطات عل- الجواد

* والله ما قفلتي لا فورتي
* تيسرط البيض
* تتبييض بيضة في العش وبيضة برا
ضربو وبكا وسبقو وشكا*
ها الثقب ها النقب *
* تياكل وما يعقل
* شكي عل- الكرمة تزيدك عرمة
* شكيكو برا يا الباس
* داير موتة حمار
* خيرنا مشا لغيرنا
* آش عندك باش انت مدردك
* أشنو تزاد عليك
* خبزنا ذكر الليي يا كلو تينكر
* مرزم قشو, وداير السمطة على كرشو
* جامع او طاوي , وهو مغدي بطاجين السلاوي
أتيطير من المقلة ( السلامة)*
* تينقز بحال الزواق ( بسم الله الرحمن الرحيم)
* السي همو مزين فمو
* سد فمك راه الموت تتسارى
* الدنيا هانيا والسما صافيا واطفات العافية
* الرماد تحت التبن
* الما طاب والسكر ما تصاب
* حضي حتى تعيا , برق ما تقشع
* عيد القورع نهار لربعا
* وطارت ما سمات
* اضرب لو الطر
* الشتا خيط من السما
* ادخل عليه الما
* هزو الما وضربو الضو وكلاه الحوت
* الشلح الشلح يموت ونا نكري تلحانوت ونبيع فيه الحوت
* الهندي والموس من عندي...
*المنون والمهاية والبطيخ ادعاو عند سيد الشيخ
* آش عند الميت ميقول قدام غسالو
* كل نعجة تتعلق من كراوعها
* قالو: آش خاصك العريان قالو: خاصني خاتم
* والقرع مالك زربان . أسيدي كلاني الذبان . واشري طاكية .أسدي غالية عليا
* أنا مزاوك فيك أسيدي بوطاجين عاوني راني مسكين
* و في حماك أسيدي بونخلة وقف معايا راني في وحلة
* وقت البيج بيج ( لكاكي ) ووقت الضرا ضرا (الصوفي) مثل عسكري
. مثل عسكري * والبيلوط ( الطيار) وعلي باش تولي
* العطار ما يشم من حانوتو
* آش غيعالج العطار اللي قدراتو عليه لقدار
* العطار انزل وطار وداوه لصبيطار
* واش غدي تداوي الشبة والحرمل وصلبان اللي فسدو الزمان
* ما تصاحب حتى تجرب, وما تضرب حتى تقرب
* صاحبك صاحبك في الحزة
* لبكا مورا الميت خسارة
* المندبة كبيرة والميت فار
* صاحبك صاحبك في الرباح ولخطية
* ما تعاند اللي ما عندو ما يخسر
* زادو الشحمة لمعلوف , حتى ولى عليهم حلوف
* هبيل او تيقلب علامن يهبل , تيقلب علامن يتسطا
* احمق او حاضي حوايجو , راد البال وضاير بجنابو
* هاك ورا ما فيها حزارة
* شن طن بيه فيه , ازرب اعليه
* ضربو عل- الغفلة
* دارها وقال فيا الرواح , منخري مسدود
* بغا يطير بلا جناوح ( أو قزبوه)
* الخبز ضرو الجوع
* واش غدي يعطيك قردة والدة
* مقداهش لرض
* ما يسد فمو غير التراب
* اللي دفنوه ما زاروه
* يصبح ويفتح
* شدة العما في الظلمة
* إلى تلفتي شد لرض
* الليل بود نيه والنهار بعينيه
* سبع ارواح كي الكلب
* اللي بفمو ما يتلف
* واللي باه قاضي ما يحلف
* الباب عرض من كتافك
* تتدخل لوالهضرة من هنا وتخرج لو من لهيه ( تيبردي)
* قطران بلادي ولا حليب الويل
* التبن والراحة ولا الشعير او الفضيحة
* أللي مات تهنا
* الدنيا بالوجوه والآخرة بالزراوط
* حي أو ميت - عمرو طويل
* لا سلام على طعام
* اجبد الكلب وجد الزرواطة
* اللي خلص دينو شبع
* كواه بشحمتو
* وخا تشوي لو الشحمة على ظفارك
* عطاه علاش تيقلب
* إلى حضر الما يغيب التيمم
* تيقيسو الواد بلحمق
* دوز عل- الواد الهرهوري لا تدوز عل-السكوتي
* اللي يجرب السم في راسو احمق
* جابتو الحملة وكان تيفلي القملة
* وقطعي أتاي باش تغلاضي من لاطاي
* ما طيب الخبز الى ما حميتي الكانون
* القنفوذ شد لحنش من زنطيطو ودخل راسو او خلا لحنش تيخبط عل- ليمين وعل- الشمال وعيا من لخبيط حتى ولى كلو دم . او هو يقول لحنش للقنفوذ : راه الشحمة بين لعينين , وقال ليه القنفوذ : راه ليها غاديين .
* قال ليهم لصمك سمعتو تيسب وتيعاير . قال ليهم لعما راني شفتو تيتهدد وتيصفار وتيخضار. وقال ليهم الزحاف دابا غادي نوض نشتف على مو. وقال ليهم الزنزون : ما سمعت ما ريت (و لعفو يا سيدي بن إيفو متخليهم يتناتفو)

السلام عليكم
هذا إلا قليل من الأمثلة والطرائف والنوادر المغربية الأصيلة التي تحكي وتعبر عن نباهة أسلافنا المغاربة وذكائهم الكبير كانوا يعبرون عن الوقائع والأحداث وحياتهم الإجتماعية بأمثلة قوية وحقيقية لا تفنى أبدا ويتكلمون بها فيما بيهم . كما كان أهل قريش يتكلمن مع بعضهم البعض بالشعر , وستظل وتبقى عبر العصور والأجيال القادمة تحكي الماضي القديم وتعالج قضايانا الحالية الإجتماعية وفي المستقبل القريب والبعيد وتجد أنها لعبت دورا كبيرا في التربية والإرشاد والنصح حتى أضحى المغربي لا يقبل أن يقال عليه مثل سلبي من هذه الأمثلة والمرجومن الإخوة الكرام قاطبة أن يساعدونا في كتابة ونقل كل هذه الطرائف العظيمة والحكم والأمثال المغربية الأصيلة لتبقى خالدة لشباب اليوم وللنشئ الجديد وجيل المستقبل
ولكم جزيل الشكر

* سبق لعصا قبل لغنم
* ضرب لحديد ما حدو سخون
* ضربني وبكا وسبقني وشكا
* إلى شفتي في السما لغيام وجد السلهام (هيئ ما يلزم لفصل الشتاء البارد)
* تيسقي الما بالما ( معناها الفلاح يسقي الدلاح )
* كول لراسك ما شافك حد ولبس للناس
* من قدر اللباس يرفع من قيمتك الناس
* مول الكرش لكبيرة تفركع ليه
* موالف باللحسة ,
* بارد لكتاف , قلبو بارد بسعداتو
* عزيز عليه الواجد ( البليكي)
* صياد النعامة يلقاها يلقاها
* غادي يصيد بوعميرة بشريطو
* غدي يصيدها على قد الشوف
* لا حمار لا سبعة فرانك
* ولمن تتعاود زابورك أداوود
* كون الحيط يهضر راه يفهم هذا
* تيشطح بلا بندير
* صايط في ودنيه الريح
* تيكوي أو تيبخ
* عرضوعليه جاب معاه قبيلة
* اللي احفر شي حفرة يطيح فيها
* مقابلة البحر ليرحل ( لله يحسن لعوان)
* إيه كون كان هاذ البحر بيصارة شحال يقدو دلخبز
* مضروب على كرشو
* اللي كرزها فيه مات
* سبع صنايع والرزق ضايع
* ما تطلقش علينا السلوقية
* كذبة يزلق فيها جمل
* إلى ما بغاتش تدوز ندوزوها بالما
* لا تيتي لا حب لملوك
* حتى تطيح البقرة عاد تيكثرو الجناوة
* صاحب حاجتو
* إلى طلقتيها لا توريها دار باها
* أجي يا مي نوريك دار خالتي
* ما حاس بالمزود غير المضروب بيه
* ولد مو ( لخنات )
* اللي حرث الجمل دكو
* اللي فراس الجمل ف- راس الجمالة
* اخبار الذيب عند السلوقي
* إلى تقلبت البردعة عل- الشواري ما يفكوها دراري
* الشبكة عيرات الغربال قالت لو أموعيون كبار
* الجمل ما يشوف حدبتو يشوف غير حدبة صاحبو
* فمو وسع من كتافو
* تيطبل في طبل مقعور
* معركها وماسح فمو
* ساكت على يخزيت , ساكت على خنزة
* تيبخر بلا جاوي
* لقاو عليه لحدورة
* يدو خفيفة
* رجليه طوال
* راسو ثقيل
* العينين اللي يحشمو مدرقهم
* عين ميكة ووذن فورميكة
* مقابل غير ألو... ألو , والقراية والو . ( جديد)
* البورطابل في الجيب والعقل الله يجيب ( جديد)
* كالسا في لانتير نت أو حاطا غيرعلى ما يتعنيت (جديد)
* المسكين ينين خاصو لعوين
* البوهالي فين راح الليل يبات
* اللي مات باه يتوسد الركـبة ( ركبة لميمة)
* واللي ماتت مو يتوسد العتبة
* ما بقا ما يعجب
* الاول علاش تعول
* أشنو كاين في الطياب اليوم ؟ ( ماهي الأخبار)
* في الاول يموت المش
* ماحد اليتيم يبكي وقاسح القلب يزيدو
* وا يلي... وا يلي بضاض اعميي
* شلح او عربي حتى يعفو ربي
* عنايتو في راسو
* اللي حشم ف-اللي ضرو الشيطان غرو
* إلى دابزو الثيران , سخط الله عل- البرواق
* عين الحسود فيها عود
* كل زبيبة لاصق فيها عود
* شافني ربي بملوكو ما شافني العبد بحنوكو
* عين المرا فيها جمرة
* عين البنيتة فيها فنيتة
* عين الوليد فيها عويد
* عينو زايغة
* عينو خضرا
* حسي مسي
* تيضرب من تحت الدف
* الله يجيب ليها شي ذهب فاش يغبر نحاسها
* المشكور مكعور
* الشكوى على الله- الشكوى فيها اللبن- الشكوى عند الكراب- الشكوى تيديروعليها بداز
* خرجو رجليه من الشواري
* ظهرو مالح
* ما يسوا بصلة
* الدوام يثقب الرخام
* يد وحدة ما تصفق
* عول عليه تبقى خلا
* الليف ما ينقط , لبا وحدة من لتحت , التا جوج من لفوق...
* كنااأو كنتو سرنا او سرتو
* اللي دركك بخيط دركو بحيط
* فمو بوق وعينيه برقوق وودنيه في السوق
____________________________________________________
* احمد الله او شكرو راه الرحمة مزالة نازلا
ذوق سر الكلمة اسمع وروا وكون حاضر . واللي عندو ميقول يتقدم يكتب إلى كان قادر
- راه ما نيرنا ولا سدينا- ما عطينا ولا خذينا - ما بغينا والو , غير كون أنت بخير, كلام زين نتعاونو عليه كاملين ونكملوه في الحين , ونخليوه مجموع للاخرين . أشنو قلتو- شتي جدودنا كانو واعرين ورزنين, تيتكلمو غير بالحكمة والدين , واللي راسو ثقيل فيهم حجرة غبين , يفهموه باللكمة ويمنعو عليه اللقمة , والفلقة تبعاه , ومو ما تقدر تفك ولا تبين دمعة, والقراية تحت ضو الشمعة , تنعس الشجرة والنجمة والحجرة , ولا ينعس هو ولا يشوفو لا يرتاح , حتى يعرض اللوحة , ما ينفعك معاه لا مرضة ولا دوخة , يا ويل إلى زكلتي في الغلطة , يشحطك بالسمطة , او لا عاودتي تسرط البيض . يقسم عليك اللوحة , ويخلي جبهتك مجروحة ويهرس عليك كاع الشلوخة , حتى تشرشر بالدم وفي جبهتك بوقالة مطبوعة , وبايت جيعان عطشان , ما يفكوك جيران , مخزون أو من اولاد الحومة , يضحكو عليك , ويردوك مسخا و شماتة اشفاية اوعار و حشومة , واليوم كلشي واجد , الضصارة ولخنات في لولاد او لبنات , خسرات الطبايع الزينة المعلومة . لبورتابل في الجيب والقراية الله يجيب , ما تسمع غير ألو ...ألو والفهامة والو , عار كبير وفي الجبهة مرسومة لفضيحة , ما يدوم ليك البو ولا لميمة . اسمع لكلام اللي يبكيك , اعرف قدرو او فهمو يصلح من حالك خذ النصيحة اترك عليك الهضرة الخاوية والنميمة وصحبة لشرار الذميمة . واش يرضي الله ويرضيك تكذب على والديك ...الفاعل التارك , واش ما في وجهك الحيا , راه اللحية ما تهز لحيا أبو لحية . كون تحشم وتحيا باش تعيش ضاحك المحيا وتحيا
- الولد تيقرا في الثانوية ... خارج المنطقة , يخلصوا ليه والديه فلوس الكرا والضو والما والعيشة والكتب المدرسية ... والديه , فقرا مساكين ما عندهم عوين ولاعشا ليلة, يجي باه يزورو أو لا يتلاقا معاه في السوق , والولد يكذب كذبة شنيعة على باه اللي ما قراش وقرا ولدو بعرق الجبين والعذاب ومحاينو باش يولي راجل سيد الرجال في الدوار اوالقبيلة . ويكذب على باه ويقول ليه : راهم قالو لينا الأساتذة جيبو كتاب غالي غدي نقرا و فيه مزيان , أسميتو ( لوف سيكس ) وباه المسكين الكحيان الفقير العيان , يقول ليه : وبشحال أوليدي هاذ الكتاب, وحتى أنه لا يردد الإسم, ولا عرف معناه ,ويقول له ابنه العاق ( الكذب على الوالدين عقوق ) : ب300 درهم , ...القصة طويلة ويعطيه الأب المبلغ , ويعود إلى بيته المنهد بقليل جدا من حاجيات ومتطلبات الأسبوع , وأخوه الصغير وأخته ينتظران عودة أبيهما من السوق بالحلوى بفارغ من الصبر وبشغف شديد وانتظار طويل أما الأم المسكينة فلا تطلب شيئا ولا حق لها في ذلك...يعود فارغ الوفاض تعس مطأطئ الرأس معكوف الظهر من قلة الحاجة والعمل المضني الشاق .كأن قراصنة أولصوص وقطاع طرق سلبوا أغراضه وحاجياته وماله في الطريق أثناء عودته من السوق .
أيها العاق الغبي , والله ثم والله ما تنجح ولا تفلح ولاحالك ينصلح .ما دمت تخون نفسك وأهلك . فالنجاح ليس حليفك, وحتى وإن رسبت في كل امتحاناتك وهذا مؤكد لاهراء فيه وطردوك لن تنجح في أعمال أخرى ولا حتى في كنس الزبالة ( القمامة). لأنه عمل جد شريف لا يليق بأمثالك, ستترك الزبالة بدون كنس ولا تنظيف وتتكاسل عن جمعها كأن لا أحد يراك وتنزوي في مكان كعادتك , تنتظر مرور الأيام لتتسلم أجرة الشهر . وهذا ما هو مرسوم بداخلك , منذ أن استهزئت بأبيك المسكين الفقير وأمك . اللذان أعداك رجلا , وخيبت رجائهما وآمالهما فيك. لأنك غشاش غدار وكذاب خائن مخادع. وكيف تخلص للناس وعملك ومهنتك بالوفاء والعهد والميثاق . و الغدر مطبوع على جبهتك , أنت خنت أقرب الناس و أحنهم إليك , وغدرت بهم وبصمة العار لا تفارقك أبدا لأنك تعلمها جيدا . وتعلم ما اقترفته في حق نفسك ووالديك , معناه بالعربي الفصيح أنك احتقرت أباك المسكين لأنه فقير وغير متعلم وكبير السن ورث الثياب, والأدهى أنك تتشاور مع عشيرك وصحبك في العشرة بالسخرية والنصب والاحتيال على أبيك بالذنب المشين . إن بالفقر الذريع والعيش المزري القاسي برضا الله والوالدين تكبر تنجح وتسمو وتصل إلى أسمى المراكز .
واعلم أن أبناء الفقراء , وأكثر من فقراء , بل على الحضيض ينامون , درسوا , مرات دون فطور , ومرات عديدة بلا غذاء , بقلة الحاجة ونذرتها وبشظف العيش وصلوا وأرجلهم حافية ,في البرد القارس والحر الشديد و بطونهم فارغة ,ارتقوا وترقوا , مهندسين وأطباء وقضاة..وأطر الدولة. أعرفهم كما أعرف نفسي والله العظيم , وحق محمد ورب محمد. . بالأمس كانوا واليوم أيضا في زمننا هذا ( وإن يردك الله بخير فلا راد لفضله ) ولا تعسر الكلام ( إن بعد العسر يسرا), وإذا كان والداك لم يحالفهما الحظ ولا الزمن أن يدرسا ويتعلما فادرس أنت يا هذا وتعلم , وتمسك بيديك وأسنانك كما كانا والديك يأتيانك بلقمة خبز . وادع لهما بالرحمة كما ربيانك صغيرا. وكن نصب أعينهما .كما أحبا ورغبا أن يراكا فيك الخير .وأن يراكا أستاذا تعلم أبنائنا ويفرحا ويفتخرا بك , فالفقر امتحان لك وقدر. انتهزه واجتهد ليس المال أوالدرهم هو الذي يدرس ويتعلم , بل أنت عقلك وجودك بالشيء أو قلته وعدمه , ستدرس وتقرأ وتتعلم وتصل ,أما الدرهم إلا وسيلة للترفيه والتقريب , وحتى وإن كنت ميسورا ومرفها وليس لك رغبة في التعليم لا تتعلم أبدا ما دامت الفكرة راسخة بعقلك أن المال هوا لأساس الموجب في الحياة . وإن قربوا إليك النعمة ستلتهمها نهما , وتنتظر أخرى ثم أخرى والمزيد , معتمدا دائما أبدا على العطاء وغيرك والتسوال والإنتظار دون بذل مجهود لنيل المطالب. والإعتماد على النفس خصلة حميدة وفضيلة أسمى وأرقى. والجد في الجد والحرمان من الكسل . ولا تحيل عجزك وخسرانك المبين وتقاعسك لغيرك فيوم ولدتك أمك عاريا صارخا لا تلوي على شيء لم يولد معك أحد تحيل عليه أمورك السلبية . لوحدك جئت ولوحدك سترحل , ووحدك ستحاسب على أعمالك وأفعالك , وتنام في مآلك وحيدا. لاحبيب ولا رفيق ولا صحب ولا صديق ولا مؤنس إلا أعمالك وما قدمت يداك.
وإن ضاق رزق اليوم فاصبر إلى غد °°°°° عسى نكبات الدهر عنك تزول
* بهذه الكلمات العابرة المعبرة لعبرات تنسكب من عيون التائبين النادمين , فالله يقبل التوبة من عباده , للذي ينصلح حاله ويتوب توبة نصوحا بندم , ويكفر عما سلف منه اتجاه أقرب الناس إليه والآخرين ... الكاتب أحمد بوتزاط المتوكي السباعي عضو فريق عمل بمنتديات المغرب الملكي الشريف . شريف أهله ومديريه ومسيريه وطاقمه وأعضائه وزواره ,والله هو الموفق للصواب آمين . ردوداتكم تسعدني , كما أسعد في الردعليكم .
________________________________________________________

* مولاها الله يحن يحن
* مول الخير يدير الخير
* شحال ما طال الليل كيطلع النهار
* الخبز والما ما يخلي عل- القلب غمة
* الخواف ما تخاف عليه مو
* اللهم بخوشة توناس ولا ياياقوتة تهواس
* لا عين شافت لا قلب وجع
* دير عين شافت وعين ما شافت
* رجعات حليمة لعادتها لقديمة
* ارحم الله من زار او خفف
* رضيت بالويل والويل ما رضا بيا بايتة عند راسو واصبح عند رجليا
* اللي كيعملو إبليس ف-عام تعملو العكوزة ف- ساعة
* ربي كيرزق كل روح باش تروح
* الدنيا حال او حوال , ماتطلب فيها المحال
* الدنيا كطعطي وتكلع , اللي كلا فيها وشرب يعمل بحساب لعقوبة
* الدار اللّي ما فيها خليع جيعانة
* نخدم بشفار اعياني وما بقى في ابداني ولا ندمم لجيراني
* اخدم على عرضك حتى يشيع ومنين يشيع يخدم عليك
* الخدمة جات يا الرجل طيح الباب وردها مغازل
*اخدم يا صغيري لكبري ووفر يا غناي لفقري
* خديم الرباعة سيدها
* خروج الليالي نعايم خروج الصمايم نقايم
*اخدم بكري ولا روح تكري
* الخيمة الكبيرة، ايلا ما عشات تردف
* دخل ياكل الفريك أصبح معانا شريك
* دخلناهم يشربوا الرايب قالوا حقنا فالزرايب
* درجة بدرجة حتى يحن مول الرجا
* دعوة الشريف ولا دعوة العريف
* الدنيا دراعة كل واحد كيلبسها ساعة
* نقطة بنقطة يحمل الواد
* اللي دعاو عليه الصالحين يجبروه الوالدين
* تكلف او تسلف باش يجيب لو ما يعلف

السلام عليكم
إيوا آخوتنا مكلنا والو والو ديما والو والو...

*اللي حبني ما بنى لي قصر و اللي كرهني ما حفر لي قبر
*حتى زين ما خطاتو لولا وحتى باللعمان فيه الكحولة
*إيلا كان حبيبك عسل ما تلحسوش كلشي
* منين دخلاتك النار آ الفران؟ قالو من فمي
* قبضها من يد الشبعان إلى جاع .و لا تقبطها من يد الجيعان إلى شباع
* ملاغت بلارج جا يضحك معا ولدو عورو
* للي ولفتيه ظهرك ف-الركوب غير يشوفك و يعيا
* اللي كتحوم و كتطوف ما تغزل الصوف
* هبيل تزوج هبيلة وتهنات لقبيلة
* العايق حاضي العايق والدمدوما قاضي حاجتو
* متيبقى في الهم غير اللي كيفهم
* اللي ماعندو البنات، ماعرفوه الناس باش مات
* ولد السبع سبع يكبر و هو يخلعو. ولد الضبع ضبع تسخرو مويجيب ليها لخميرة
* عشا الحادكة كيتشم من العاصر
* اللي خلاك هناك
* اللي بغا العسل يصبر لقريس النحل
* شي عطاتو، و شي زواتو، و شي جابتو علا عين قفاتو
* لالة زينة و زادها نور الحمام
* اللي كتحنقزو المعزة ف- الجبل، كتخلصو ف- دار الدباغ
* اللي زرع حبة ديال العار كيحصدو بقنطار
* مالين الدار صبرو، والعزايا كفرو
* اللي بغاك بغيه و اللي نساك سير وخليه
* اللي باعك لا تشريه
* اللي ضرباتو يدو ما يبكي
* الجديد ليه جدة، والبالي لا تفرط فيه
* اللهم قطران بلادي، ولا عسل بلادات الناس
* مايدوم لا الطاس ولا يدو، ولا الخادم اللي تشدو
* الحر بالغمزة، والعبد بالدبزة
* إذا بلاك الله بالسعاية، قصد الديور لكبار
* الخيل واقفة و الحمير تتبورد
* عدي بالنعالة حتّى يجيب الله الصباط
* كل خنفوس عند مو عروس
* الله ينجيك من الساكت إلى دوا
* كثر خبزك يتباع
* حلوف كرموص
* إلى كانت دارك من الزاج ، متضربش ديور الناس بلحجر

* لا زين لا مجي بكري
* اللي ما علمك فرض ولا سنة تركو وتهنا
* اللي ما تدي منو فايدة و ما يكلسك على مايدة. رفاقتو غير زايدة
* المَكْسِي ما دداري بالحَافِي
* من جاور الأجواد جاد بجودهم
* السكع يلا دار مزية، يهرس لمو لقسرية
* من العزايا كيخطب
* ومن ناسب الأرذال خاب ضناه، ومن جاور الكدرة اتلطخ بحمومها
* من جاور صابون جاب نقاه
* القرد في عين أمو غزال
* الزبلة تقلب علا ختها ف- ققاع لبحر
* اللي ما يطيب عشاتو ولا يخيط كساتو ولا يذبح شاتو وعزيه في حياتو
* اللي ما يكتب مقال ماهو قاري
* اللي داها غير ف- كريشتو خلات عشتو

* ما لقى في سلتو ما يجبد
* قالو ليه ها انت هنا , ما خلا الناس تهْنا
* بغا يهرف جاب المغرف
* اللي دارها بيديه يفكها بسنيه
* اللي فرط ايكرط
* تيحسن باللي كاين * تيحسن بلا ما
* سمرولو عل - لحفا
* النية او قلة النية ما يتلاقاوش
* النية بالنية والحاجة مقضية
* نوي الخير تصيبو
* اسكت أو لا نجيب ليك بوعو
* دافع جبهة
* عايش بالتناطيح والتساطيح
* جايب شويا الزيت في الجبانية أو داخلها فدانية
* جيل قمش ما يحشم ما يرمش
* جا بلا عراضة أو طالب المونادا وشلاضة ( وجهو صحيح)
* اللي عيب لخبز يشداكو ( يشتاقو)
* اللي تتشطح ف- لعرس ما تدرك وجهها
* الزين زين من فعايلو* الزين زين لفعايل
* الشآن والكرشان عليه ما بان.
* غير الشنعة علية أو ما غطا ودنية
* عطيني دابا أو غدا علقني
* هداك تيغمس أو لا تيعفس , واش تيرفس أولا تيضهص (تيدير الدغمة كبيرة )
* عدو الدقيق * الخبز تيطلب منو الشرع
* اللي كلا حقو يغمض عينيه
* مني تيشوف الماكلة تيكفر
* فيه اللهطة أو محيد الصمطة ( كرشو كبيرة مدايرش لحزام)
* فيه الغولة كلا كاع العولة ( العولة وهي الزاد تعول عليها وقت الشدة)
* كلا كلشي ما خلا شي وقال ليهم عزيزة عليا كرشي ( وا زويـــــنة هادي)
* ولد سيدك يعطيك الطرش ويزيدك
*الهوى طاح ف-الروا هو يتزوى
* الله يهدي ماخلق
* بايت كلب أو صبح راجل
* بنادم كاموني إلى ما تحك ما يعطي الريحة
* اللي ما عندو هم تولدو ليه حمارتهم
* ضربو حمار الليل ( تلف )
* تغدى وتمدى , تعشى وتمشى
* اللي فات مات
* وحتى يزيد أو نسميوه سعيد
* إلى شفتي الرجل كالس على حجرة , عرفو نايض
* إلى شفتي جوج معاشرين اعرف الدرك على واحد
* خدا و قلب وجهو
* اللي ما عجبو حال يشرب لبحر
* الحجام الله يهديك أوليدي راه بين يديك
* عضة من الفكرون ولا يزهق
* جبناه يونسنا هوسنا
* بسوالفنا منعيرو شعور
* لقرع بفلوسو أرا داك الراس نبوسو
* الزين بسوالفو , وديه لمك تشوفو
* تينطق بلا جاوي
* ريال الجاوي يبخر دوار
* الغادي غادي والجاي جاي راه الدنيا غدارة وسوايعها قدارة
* قلب لكريم فيه الجد وقلب لبخيل فيه لحقد
* اللي نساك لا تفكرو واللي غلط معاك لا تذكرو
* خليه في هواه حتى يلقا بوحدو دواه
* ظنيناه كرمة فيها كرموس ساع هي بعرة فيها ناموس
* منوضا لعجاجة لقيناها دجاجة
* قاري غير التاحراميات ما يخرج لا حساب ولا عمليات
* لعب معاهم تكشبيلة جراو عليه من لقبيلة
* الدقان عليك يا اللي حادر عينيك
* وما عندنا ما نديرو بماكلة تخراج العينين
* ضريف كيف لخريف
* لخروف يحيدو منو الصوف ويعلفوه لنهار لعيد
* ظاهرة على وجه الطراح
* سلوكي ولد لكلبة حاط غير على ماكلة الثوم والحلبة
* كعليط ريحتو تعطعط ( الكعليط وهو الثعلب)
* اللي ما تباع ما تشرا حرام
* اللي ما جال ما عرف بحق الرجال
* أقيم شوي استاويل أقيم شوي .

*واش ناشفة كاع , ضاربة الطيارة - مثال عسكري

* وا كلي برزطم باش تغلاضي من لكدم
* الخير مني تيجي , تيجي بمرة
* تيعرف منين تيتكال لكتف
* وسع خاطرك شويا
* شوف لقدام لاتشوف حدا رجليك
* زيد لقدام تاكل ليدام
* اللي كذب في حلامو زاد ف- عذابو
* لحليب والتمر يزيدو ف- لعمر

* اللي ما ياكل بديه ما يشبع
* لفم المسدود ما تدخلوا سوسة
* سبق الميم ترتاح
* المعيارة في الوجه صابون وفي الظهر طاعون
* العبد في التفكير و الرب في التدبير
* عز الخيل مرابطها
* ضربة بدمها ولا كلمة بسمها
* ضاق صدر من ضاقت يديه
* بايت معا الذيب وصبح يبكي معا السارح
* مقابلة غير لالة ومالي وتقرقيب الصطالي
* اللي ضراتو الضرصة يقلب عل- الكلاب
* سبع يام البكور دابا تقادا

» نكت مغربية أصيلة
» حول سطح المكتب بجهازك الى اعجوبة وتمتع اثناء استخدامك للكمب
» إستفتاء : أدخل للأهمية
» سر غريب من أسرار جهازك أدخل وشوف !!!
» نكت مغربية