نكت مغربية أصيلة

رمضان مبارك وسعيد المرا قالت لرجلها اطلع لسطاح وشوف هلال فاتح رمضان واش كاين في السما

واش غدا غدي نصومو وقولها ليا من الفوق.الرجل اطلع السطاح وشاف الهلال ضاوي وقال لمرتو وكاين وشويا قال ليها ومكاينش وشويا قال ليها وكاين ومكاينش .وطلعات المرا عندو لسطاح مني سمعاتو وكاين ومكاينش وهو يقول ليها ها هو هاهو وقالت لو مرتو الله يعطيك المسخ الهايع .هداك راه غير لهلال ديال الصيدلية اللي في الحومة تيشعل وتيطفا . لعيالات عندهم الرجالة ونا عندي مصيبة مسلطة.

------------------------------------------

هادا واحد الرجل قال لمرتو ديري لينا العشا

قالت ليه اشنو نطيب البيض ومطيشة

وقال ليها مالنا ألالة علا جوج عشاوات طيبي غير واحد

-------------------------------------------

هاذا واحد العروبي مشى عند الطبيب يدوز قالو الطبيب فيك السكر قالو العروبي واش قالب او لا سنيدة.

----------------------------------- المرا قالت لرجلها اطلع لسطاح وشوف هلال فاتح رمضان واش كاين في السما

واش غدا غدي نصومو وقولها ليا من الفوق.الرجل اطلع السطاح وشاف الهلال ضاوي وقال لمرتو وكاين وشويا قال ليها ومكاينش وشويا قال ليها وكاين ومكاينش .وطلعات المرا عندو لسطاح مني سمعاتو وكاين ومكاينش وهو يقول ليها ها هو هاهو وقالت لو مرتو الله يعطيك المسخ الهايع .هداك راه غير لهلال ديال الصيدلية اللي في الحومة تيشعل وتيطفا . لعيالات عندهم الرجالة ونا عندي مصيبة مسلطة.

------------------------------------------

هادا واحد الرجل قال لمرتو ديري لينا العشا

قالت ليه اشنو نطيب البيض ومطيشة

وقال ليها مالنا ألالة علا جوج عشاوات طيبي غير واحد

-------------------------------------------

هاذا واحد العروبي مشى عند الطبيب يدوز قالو الطبيب فيك السكر قالو العروبي واش قالب او لا سنيدة.

-----------------------------------

جزك الله خيرا علي هدا نكت الجميلة برك الله فيك

ممنوع الوقوف
المزيد من النكث

السلام عليكم
هادو جوج مقرقبين( مبوقين) دخلو الحمام وهو واحد قال الاخر : علاش كيدخلو لداخل عريانين ؟ قال ليه صاحبو : باش يتصورو
وشويا وهو يخرج واحد العزوة اكحل زيتونة . وهو يقول ليه: وهذا مالو أشبيه ؟ وهو يقول ليه : هذا تحرق ليه لكليشي( الفيلم)

السلام عليكم
هادي واحد العروبية مشات عند الطبيب ( الخاص بالنساء) شافها الطبيب وقال ليها : حيدي الحوايج وطلعي فوق البياص . قالت أههه , غدي تحيدهم انت الاول عادا أنا

هدا واحد المريض مشا عند الطبيب
الطبيب دوز لو وقال ليه : فيك السكر وفيك الملحة وعندك الماء في الظهر وعندك الغاز في المصارن
وهو المريض يقول ليه : إو صافي قول ليا انت حانوت خصني غير الضو ونتكرا

هذا واحد العروبي تشاد معا واحد الفاسي بالكلام
وكانو احباب الفاسي كيطلو من الشرجم
العروبي قال للفاسي : وسير اهاد الدجاجة
الفاسي قالو : تنأبئ ( تنقبك)
قالو العروبي : راه غدي نسرفقك حتى يبانو ليك النجوم
قالو الفاسي : يالله سرفأ ( سرفق)
ومكان غير العروبي هز الخباطة ديال يدو وانزل على وجه الفاسي حتى تسمعات
وهوما حباب الفاسي قالو لبعضياتهم من الشرجم: واللهيلا سرفئو ( سرفقو)سرفئو

سمعو مزيان راه حنا غرضنا غيرنضحكوكم صافي حينت تنحبوكم
هذا واحدالفقيه تيصلي بالناس .تغدا بالبيصارة سخونة والفلفلةالحارة بالزربة.باش يمشي للجامع .بدا يصلي بالناس اركع اسجد وهي تزبق لو وطلقها فززز Drazzzوبقا في بلاصتو ساجد متحركش وتسمعات مزيان في البوق .متحرك حد .الصمت اللمط دكول ضربهم بالنووي
وهو يهضر واحد كان من وراه: بدلو السيد أش تتسناو حتى يدير كاكا
[b]

واحد الطوبيس في الدورة دخل في واحد الحانوت ديال محماد السوسي جاو صحاب الحال ياش يقيدو الكوسطا وقالو للسوسي محماد صايب معانا وغدي نصيبو ليك الضوسي مزيان
وقال ليهم محماد السوسي :
أشنو غادي تمركيو فهاد الضوسي
قالو ليه : غادي نديرو الطوبيس ادخل في الحانوت
وقال ليهم : أوا ديرو تلحانوت اللي دخلات في الطوبيسا, كلا الطوبيسا اللي ادخلات في تلحانوت.

اكتب لكم هذه النكث وأضحك

واحد كعيبة اللي عندو الظهر خارج (bossu) دخل الحمام معطل باش ميشوفو حد .بقا بوحدو في الحمام أو هوما يخرجو ليه وليدات الجنون قالو لبعضياتهم نتفلاو على هاذ العوج, ودارو بيه .وبداو تيدورو وهو في الوسط عريان مكشوف وعظامو خارجين وتيقوو(الخميس والجمعة والسبت) (الخميس والجمعة والسبت)وكرروها وتيدورو بكعيةوتيصفقو ,اكعية اكعا وهو يوقف : وهو يرقص ويصفق وقال ليهم (وناكلو الكسكسو بالكرعة واللفت)هوما يقولو الخميس والجمعة والسبت وهو يرد عليهم وناكلو الكسكسو بالقرعة واللفت,
وليدات الجنون عجباتهم الأغنية( القافية)او هوما يحيدو ليه الكعبوبة اللي فظهرو وخرج فرحان من الحمام بغا يطير بالفرحة.
دازت الأيام او هو يتلاقا معا صاحبو كعيبة ولكن من الصدر ( صدرو خارج)قال ليه واش هذا فلان او لا خوه .قالو انا هو وقالو بوصدر او فين الكعبوبة اللي كانت عندك في الظهر . عاود ليه اشنو وقع ليه مع وليدات الجنون ليلة الجمعة . بوصدر قال في خاطرو حتى انا نديرها.
بوصدر تسنا حتى خوا الحمام نهار الخميس بالليل وبدا تيغسل وتيتلافت تيقلب بعينيه فين كاينين وشويا او هوما يخرجوليه وليدات الجنون وبداوتيدوو به ويصفقو ويقولو ( الخميس والجمعة والسبت وناكلو الكسكسو بالكرعة واللفت )تيدورووتيصفقو والطرح حامي اوهو يوقف بوصدر وبقا يدور معاهم وهو في الوسط ويصفق . هوما يقولو الخميس والجمعة والست وناكلو الكسكسو بالكرعة واللفت .وهو يقول ليهم واللبن فيه واللبن فيه .وليدات الجنون كعاو بو صدر خسر ليهم الريتم (القافيه)اوهما يلصقوليه كعبوبة صاحبو وولا مكعبب من اللور والقدام بحال مدلينا.

المعلم تيقري التلاميذ محاربة الأمية.وكتب في لسبورة نون كبيرة(ن)
وقال للتلاميذ ما هاذا؟ بعض .التلاميذ هزو صباعهم .واحد البليد ديماعقلو غايب
هز حتى هو صبعو مني شاف الدراري هازين صباعهم.
المعلم تعجب وقال للكسول قول ماهذا .الكسول قال عرفتها
قالو المعلم قولها .قالو الكسول ساهلة, جبانية فيها حمصة

*هذا واحد الشفار ادخل على مول لهري السوسي بجنوية كبيرة
الشفار حط الجنوية على عنق السوسي وقال ليه: افتح الكوفر أو لا ندبح .قال ليه السوسي: أوهو, أذبح إلى بغيتي تذبح كلا افتح الكوفر .

هاذي واحد البنت خايبة مفيها ما يتشاف مشات للحمام بالليل بقات بوحدها في السخون .او هو يخرج ليها واحد الجن .او هي تخلع وقالت بسم الله الرحمن الرحيم , وقال ليها بحرا يا اختي حيدتيها ليا من فمي .

واحد العروبية قالت لراجلها ديني عند الطبيب النصراني راه لعيالات كيشكروه بزاف.بقات معاه حتى داها عند اطبيب النصراني .الطبيب تيدوز ليها بالصناطة على صدرها , وقال ليها : تتكحبي (السعال) قالت ليه والله أمسيو غير مرة وحدة معا المقدم حينت تيجيب لينا البراوات.

راس لعام
راس السنة
راس الشهر
راس الدرب
راس الحانوت
راس الطارو
راس الخيط
راس الما
راس القالب
راس الويل
راس المال
راس العين
راس الحنش
راس الجبل
راس البوطة
راس الثوم
راس العاشق
راس المحاين

*واحد الدكالي آنفاجر في وسط سوق خميس الزمامرة…آشنو كاين أشنو واقع لقاوه واكل صندوق ديال الكرموس الهندي.
*واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم نذبحك، محماد الشلح خايف جاوبو: ياه لقيتي غلاقة ديال المونادا ، راك ربحتي ثلاجة…
*هذا واحد العروبي سافر في الطيارة، قال للبيلوط ؛ سير قبلة باش نصلي ، البيلوط مدهاش فيه، وهو يقوليه؛ يالاه وقف بنا في حد السوالم، باغي نشوي القضبان ونضربو شي قصرية كسكو ونتوضى
*واحد الشلح ساكن في المحلبة، ولدو بات بلا عشاء ، قال ليه أبا فييا الجوع باه السوسي هز الريدو وقال ليه: شوف الحوانت كلهم سادين
*واحد الدحش كمل الرضاعة وكبر وقال لمو الحمارة ماما ماما وليت حمار او قالت ليه مو راك حمار على كنت مهندس
* وحد المرا دورت لحريرة وداتها لمدينة
* واحد الرجل كان تيتكلم في الهاتف المحمول معا شي حد , وهو سرحان معا المكالمة او تيهضر أو هو يدخل في واحد البوطو ديال الضو جنب الطريطوار حتى طار البورطابل من يديه وتشتت . وكلاها مزيان في راسو ( أشداني نهضر وأشداني نتعنكر )
نصيحة وتحذير : أيها الراجلون . صحاب الكعبة والكعيط ( الأونز 11 ),حذار من المكالمات على الهاتف المحمول وانت تسير بخطوات مسرعة في الشارع وبدون انتباه . توقف ثم تعامل مع هاتفك في راحة وسلام .

السلام عليكم
هذا واحد المعلم كل مرة ينقلوه من بلاد لبلاد
من بير أنزران سيفطوه يقري في بيرالجديد و بدلوه لبير كندوز وعاود صيفطوه لبير لحو وهو يكتب رسالة لمندوبية التعليم قال فيها :
واش أنا دلو تتصيفطوني غير لبيورا

هذا واحد كعيبة تيكمي سيجارة كمال اللي مصور فيها الجمل
بقالو سيجارة وحدة في الباكية شعلو ورما الباكية
واحد لحمق شافو وشاف لباكية اللي مصورفيها الجمل اللي رما كعيبة
وهو يغوت عليه : أرجل أرجل هز لاكارط ناسيونال ديالك راها طاحت ليك

واحد عوبان ( عروبي) مشا لكراج ديال لكيران باش يركب .لقا لكار واقف هو يسول واحد المزعزع:
معاش يخرج السوتومو ( CTM)
جاوبو المزعزع : معا الطنوشو(12)

واحد الرجل تيقلب باش يلقا السبا لمرتو
جاب ليها الحوت وخرج مشا اجلس في المقهى
وصلات وقيت الغدا الرجل جا للدار
قال لمرتو حطي لينا لغدا.
لمرا جابت لو الحوت في الطاجين او حطاتو قدامو
الرجل بدا يغوت وقال ليها أنا بغيتو مقلي في الزيت
لمرا جابت لو الحوت مقلي وحطاتو لو قدامو
او هو زاد في لغوات وقال ليها أنا بغيت نربيه
مرتو قالت هاهو إلى بغيتي تربيه
او جابت لو الحوت في بانيو فيه الما وقالت لوهاهو ربيه

طبيب المجانين ( الحماق) دا المسطيين في الطيارة لبوينك باش يتعالجو في الخارج مزيان
الطيارة طارت في السما او علات
شويا او البيلوط لقا شويا صعوبة في السوقان
الطيارة مغداش نيشان , تتزعزع
البيلوط قال لطبيب الحماق : شوف آشنو واقع اللور
الطبيب دخل بلاصة الركاب لقا الحماق حيدو الكراسى او دايرين ماتش ديال الشيرة
( كرة مصنوعة من طابلياتهم ملففة)ودايرين لكوال(حرس المرمى)
مقدرش الطبيب يقنعهم باش يزكاو ويوصلو بسلام
إلا واحد فيهم داخل سوق راسو تيقرا في واحد الجورنال
جا عندوالطبيب وقاللو أنت بعقلك ومزيان اهدر معا صحابك يرساو راه حنا راكبين في طيارة .قال لو كون هاني دكتور أنا راني عارفهم مزيان وعارف طبايعهم .أنا قادر نقنعهم صافي دابا غير سير لبلاصتك واكلس راه مغديش يسمعو ليك.
الطبيب رجع عند البيلوط وشويا الطيارة مشات في الجو مزيان بزاف عاد
الطبيب تعجب وقال في خاطرو كيفاش واش هذا بعقلو
الطبيب رجع عند الحماق باش يشوف ويتأكد ملقا حتى واحد في الطيارة غير هداك اللي تيقرا الجورنال .
وقال ليه فين هوما اصحابك ؟
قال لو اللي كان يقرا في الجورنال
راه لحت ليهم الكرة برا في الخارج قلت ليهم خرجو لعبرو برا متصدعوناش
الطبيب قال لو مزيان حط هداك الجورنال . سير جيب من برا التيو ديال الما باش نسقيو الكازو (guazon).

* واحد الجوج مشاو لبحر واحد فيهم عام ولآخرعامين
* جوج دخلو الحمام واحد فيهم حك والآخر صندوق
* واحد علق حوايجو في العلاق مني بغاهم لقاهم ماتو

واحد لحمق كان ناشر تريكوه يكرم في السطاح عالي على الحيط . تحرك لبرد طاح التريكو عند الجيران , طلع لحمق باش ياخد تريكوه ملقاهش وبقا يقلب عليه, جابو ليه جارهم اللي ساكن في السفلي , ولحمق قال ليه : نحمد الله مني مكنتش لابسو عندي الزهر تيهرس لحجر , كون كنت لابسو كون طحت معاه , ولعشية ضربو عليا الزميطة بتاي ههههه . تتاكلو معا الحيين وتاكلو معا الميتين

هذا واحد الرجل عروبي جا من لعروبية عند بنتو مجوجة في لمدينة .
لعروبي لابس الجلالب والحال سخون بزاف
بنتو جابت ليه طبصيل فيه شلاضة
او قالت ليه هاك أبا , برد راسك بين ما يطيب لغدا
بنتو مشات تطل على الطنجيرة فيها لغدا تيطيب او رجعت عند باها تهضر معاه
لقاتو محيد الكرزية ( لعصابة) من فوق راسو وهو صلع وقالب الطبصيل على راسو
والخص ومطيشة ...والما ديالها نازل على وجهو او حوايجو وتيقول الله الله
قالت لو بنتو آش تدير أبا
قال ليها قلتي ليا برد راسك أبا

هذا واحدالمعلم اطلع الطوبيس
والطوبيس كان عامر
المعلم جا من ورا واحد الفتاة
الفتاة قالت للمعلم آش تدير, قال ليها معلم
قالت لو لا دابا أشنو تدير ,قال ليها عطلة

*- الطبيب مقابل واحد لحمق آش تيدير , لحمق شعل المجمر بالفاخر , وجاب أتاي والنعناع والسكر أو قرعة فيها الما. لحمق ابلع حفنة ديال أتاي صرطها وكلا ربطة النعناع , وتبعهم بطوبة السكرشرب الما أو خضخض راسو مزيان , واكلس عل- المجمر شاخض , الطبيب جا عندو تيجري قال ليه آش تدير , آش تدير . قال ليه لحمق : راني تنتشحر. اكلس أمول لبن غدي تشرب واحد الدكة فاعلة تاركة , ومضيرآآآش .
-------------------------------------------------------------------------------------* - نملة خارجة من الحمام او هي تلاقا في الباب معا نملة صاحبتها ,او دارت اصبعها في قرجوتها (باش توريها) وقالت ليها : راه الحمام عامر حتى لهنا , أو هي تحيد راسها.
------------------------------------------------------------------------------------*- لفقيه تيقري في الجامع الدراري الصغار , لفقيه تيعطس بزاف ضاربو البرد والدراري متيقولو ليه والو معارفينش . أو هو يقول ليهم هاذ المرة نعطس صفقو أو قولو رحمك الله أسي لفقيه . الدراري بغاو يغسلو اللوحات ديالهم . لفقيه صيفط واحد فيهم باش يجبد الما من البير بالصطل . الدري تقال عليه الدلو أو طلقو بقنبتو طاح في لبير, لفقيه عاقبو بالفلقة , شكون غادي يجبد الصطل من البير , ميقدر حتى واحد من الصغار.
لفقيه قال لدراري أنا غدي نجبد الدلو من البير , انتوما غادي تشدو بيا القنبة حتى نهبط ونطلع . لفقيه ربط راسو بالقنبة والدراري كلهم شادينها , لفقيه نازل في البير أو هو يعطس وسط البير . الدراري كلهم طلقو القنبة أو صفقو أو قالو : الله يرحمك أسي لفقيه .
--------------------- -------------------------------------------------------------- * - الفار بغا يتزوج , قالت لو مو شوف ليك شي بنت الناس تكون بيك أوعارفاك وتهز همك او هبالك , قال لا مي أنا بغيت نتزوج بشي وحدة زينة أوخدامة تعاوني على حالي, الفار تيتسارا شاف الجرانة عجباتو أو قال ليها تزوجي بيا .قالت ليه فاش تتخدم , قال ليها طالب معاشو باب الله .أو قال ليها وانت فاش خدامة, قالت ليه أنا نكافة وتنزغرت في لعراس . قالت ليه أنت رجليك خفاف متتكلس حتى ف- شي بلاصة , أو تتدخل للدار بلا شوار أو ديما هربان عندي شرط ليك واحد أو نقبلك تتزوج بيا , نربطك معايا بقنبة أو ماتقطعهاش , قال ليها قبلت الشرط . ربطاتو معاها بقنبة , داز بوعميرة شاف الجرانة . نزل من السما نقبها او علا في الفوق طلع معاها الفار طاير مربوط , وهو يقول : ها سوا اللي يتزوج بالشيخات الزغرتات الحنقازات, متفقناش على العمارية . شهر العسل ف- لرض , مشي لفوق , راه العمارية تتدوخني . ف- ليلة عرسك راكي طالقة يا النقناقة .
عذرا من بعض النكت
-------------------------------------------------------------------------------------* - واحد الدريري تيلعب بالنفاخة في دارهم , النفاخة طارت أو لصقت لو لفوق عالي , لوليد بقى يبكي ويغوث على نفاختو , بغيت نفاختي بغيت نفاختي , مو مرا غليظة دبوزة. جابت سلوم وبحرا بدات تتطلع في السلوم باش تجبد لوليدها النفاخة , أو هي تزبق ليها فزززز , لوليد قال ليها ماما ماما مبقيتش بغيت النفاخة بغيت الزواية وا ابغيت الزمارة .
------------------------------------------------------------------------------------*- واحد لعروبي فصل كومبلي ( كسوة) عند الخياط
لعروبي خدا لكومبلي ديالو أو مشا لدار فرحان ببه أو لبسو
لكومبلي مزيان ولكن جاه مزير بزاه من لكتاف والظهر
رجع عند الخياط لا بسو وتيتمشى بيه محني مشكرف
الخياط تعجب وقال كيفاش
قلبو أو هو يلقاه لابسو بعلاقتو
-------------------------------------------------------------------------------------*- هدا واحد لحمق ف- صبيطار المجانين , طالع فوق واحد الحيط أوتيبول , لحمق شاف الطبيب جاي أو هو يقطع البولة , الطبيب قال يمكن هدا ولى بخير مني شافني احشم احتارمني واقطع البولة جا عندو الطبيب قال ليه علاش مني شفتيني قطعتي بولتك ,قال ليه لحمق: أههه غادي تجرني منها وطيحني وعايق بيك , ------------------------------------------------------------------------------------- *- هذا واحد المعكاز عمرو ما خدم واحد النهار قالت ليه مو نوض أوليدي سير تخدم قال ليها أودي راه لثنين و ثلاثة ما يخدم غير الشماتة . ولاربع ولخميس خدامين صحاب إبليس, نهارالجمعة لكساكس بالكرعة عيد المؤمنين. السبت والحد ماخدام حد,أو ما كاين حد. خلي حتى لنهار الثامن وغانشوف معامن .
-------------------------------------------------- *- طبيب الحماق تيشوف فواحد لحمق تيغسل لواحد المشة (قط)
مقابلو من بعيد أشنو تيدير
طبيب قال في خاطرو مزيان
لحمق دار المشةالصابون أو شللها بالما
لحمق شد المشة وعصرها عصير لواها لي , حتى كالت معوووو, وخرج منها البعصوص
أو علقها في لحبل بلقرارص من ودنيها باش تكرم .
-------------------------------------------------------------------------------------
*- هاذو جوج الرجال كانو غاديين في واحد الطريق مسافرين على رجليهم ضاربين الكعبة لكعيط , أوعياو بزاف , هوما غاديين في الطريق أو واحد فيهم لقا صفيحة ديال بغل طايحة (سنبك) أو هو يقول لصاحبو الله إوا لاباس . ها وحدة بعدا, مبقا غير تلاتة ولكيدار
----------------------------هذه النكث غير مأخوذة من النت --------------------------

السلام عليكم
هذه النكث غير مأخودة من الأنترنت
كتبناها بصيغتنا ,
ونعدكم أننا سنواصل كتابة النكث
لأجل أن تضحكوا ولو قليلا

*واحد لعروبي شاف لفاسي تيدير كسكروط بالزيتون لكحل
لعروبي قال :إوا لخنفوس تيتكال وعندنا موجود غير هو ف- لبلاد وحنا ضايعين
لعروبي جاب نص لخبز , وبدا يلقط ف- لبخوش لكحل ويديرفي لخبز.
لعروبي بدا يعض في لخبز ولبخوش تيطرطق ,
لعروبي قال ليه: ما تكول لا غز ولا مز
بعيني شفت لفاسي تيدوز بيك لكسرة .

الشتا خيط من السما , كثيرة بزاف والبرد , واحد البورجوازي راكب ف- واحد السيارة فخمة ومخدم السويكلاص والشوفاج والماسق , وقف ف- الفو روج (الضو لحمر) أو هو يوقف حدا ه واحد العيان راكب على بسكليط (بيكالة) حتى هو وقف ف- سطوب كلو سارد تيقطر أو تيقفقف بالبرد والما نازل لو على وجهو .مول السيارة الفخمة حل شي شويا الزاج أو قال لمول لبسكليط : وا الخير هذا, مول البيكالة كعا وقال لو : وا(خ) البعرهذا

assalamo 3alaykom:chokaran si ahmed 3ala 3amalika aljayd wa hadihi ba3d annokat:laf9ih addokali y9ol sma3 klami ma tba3 f3ali=azin fi addafla ou harra=likal fi chi tabsil ma y dfalch fih=old statiya ghlab old janiya=hada faroj tla3 fo9 chajra wo bda y3aw9 ohowa ji 3ando tta3lab 9al lih a mouddan nzal nsaliwo jma3a jawbo alfaroj tasana ra imam jay ta3lab dar wo chaf lkalb jay wo howa tam radi ijari fa9ala laho alfaroj malak mchiti fa ajabaho atta3lab rani n9adt alwodo=atamana an totarjimaha ila al3arabiya law samaht. wa asalam

وعليكم السلام
لا شكرعلى وا جب أخي الكريم
لو كان بمجقدورك ان تكتب بالعربي الفصيح كان أفضل أو بالدارجة المغربية
ليتسنى للجميع فهم المضمون جيدا
شكرا لردك المتواصل

وإن حكينا أو روينا أي قصة أو رواية أونكثة و مثلا ما في ناذرة أو طريفة ,فإنه لا نقصد به أي أحد كان أبدا . وهل لا يحق لصالح أن يسبح في مسبح , فالصلاح في السريرة وليس في الجسم . والأعمى أن لا يحضر حفلات وغيرها فالرؤيا في البصيرة وليست في العيون. والأ صم أن لا يسمع لموسيقى صاخبة يترنم بها كما يشاء هو . والأبكم أن لا يتكلم ويحكي ما عنده بطريقته الخاصة به التي هي بداخلة . و لا يصح ولا يحق أن نحكم على كل الناس بما في ضمائرنا ويخالجنا من أفكار . فكلمة متأسف أصبحت اليوم يؤخذ بها بعين الإعتبار . إنما العريف والصالح فكلاهما واحد سواء في الدعاء . وحتى وإن كان عريفا. إنما الأعمال بالنيات ولكل امرئ مانوى. فالله سبحانه لا ينظر إلى وجه عبده ولا إلى رتبته في دنياه , بل إلى قلبه ونواياه . فالآراء والأفكار تختلف اختلافا كثيرا ويجمع ما بيننا الدين والإنسانية والوطن .

النكث غير منقولة من النت وموجود الكثير في حوزتنا

السلام عليكم
فيما يخص النكث إذا أعجبتكم نواصل
إذا كان هناك فثور , أو غير هذا نتوقف عن ذلك .
والحمد لله عندنا من كل فن طرف .وحتى كتابةالقصص القصيرة وغيرها
ليس لنا أي هدف نبتغيه فقط نقضي أوقاتا ممتعة ونفيذ,

هذا واحد العروبي مشا معروض عند شي ناس , كلا اشرب جابو الطاس تيغسلو .الناس تياخدو الصوبينة الصغيرة في يديهم ويشلو فامهم مني وصلت نوبة لعروبي صرط الصوبينة .بقاو تيقلبو على الصوبينة ملقوهاش. قال ليهم لعروبي واش لحميرة .قالو ليه إيه . قال ليهم كليتها .

هذا واحد المبوق طلع لطوبيس
وقف حدا واحد لمرا غليظة تترضع ولدها
وقف الطوبيص طلعو الناس
تلفت لقا مرا رقيقة تترضع ولدها في لبلاصة فين كانت لغليظة
لمبوق بقا تيشوف ف- لمرا الرقيقة .
قال ليها نسولك ألالة
قالت ليه سول أسيدي
قال ليها : واش هاد الدريري تينفخ أو تيفش؟

نكتة وقصة واقعية صحيحة
واحد لعروبي ( وعروبي النيت مكاينش التخرشيش)
مشا لسوق وشرا دوارة ومشا عليه الحال باش يرجع ويبات في دارهم .قال أرا ندوزعند بنتي ونبات عندها حتى لغدا أو نمشي . دار الدوارة في شكارة( ميكة ), ودارها تحت جلالبو وكان الصهد الحرارة . لعروبي تعشا والدوارة تحتو خزنها . بنتو فرشت ليه في لمراح ( السطوان عريان ممسقفش ) منو لسما . طفا الضو كلشي نعس لعروبي نعس والدوارة تحتو . تناص الليل لمشوش شمو ريحة الدوارة بدات تعطي الريحة . لعروبي معا لعيا نعس نعسة مزيانة . لمشوش جبدو لمصارن والشحمة . وبدات لمدابزة بين لمشوش . بنتو فاقت أو شعلت اللامبة باش تجري عل- لمشوش . لقات باها مصارنو ودوارتو خارجين من كرشو . أو هي تدير صبعها في وذنها وبدات تغوت لعداو أعباد الله .ظنات باها كلاوه لمشوش . تجمع الدوار في هداك الليل شي جايب عصا شي حديدة كلها واش هاز . أو نقزو الحيط باها ناض مدوخ ولمصارن مدليين ليه من تحتو طوال ومن جيب جلالبو. وبنتو تبكي وتغوت وتقلب فيه . مسخة كبيرة ومعيورة ف- الدوار
أو سماوها دار الدوارة
بنتو مرضاتش بلغسلة اللي دار ليها باها أو خوات لقبيلة

هذا واحد من دوك المسؤولين المصريين اللي شادين في الحبس قالوا ليه من اين لك هذا (يقصدون المال الكثير) قال هذا من فضل ربي ....رد عليه ابليس قائلا ياناكر الجميل

صلى أعرابي في مسجد فأطال الإمام القراءة و ضجر الأعرابي فلما انتهت الصلاة قال لمن بجانبه أطال الإمام الصلاة فقيل له إنه قرأ بسورة البقرة
و في اليوم التالي حضر الأعرابي للصلاة في المسجد فقرأ الإمام بعد الفاتحة : "أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ أَ"حينئذ خرج الأعرابي مهرولا و هو يقول : لا شك أن سورة الفيل طويلة جدا.

- واحد المعلمة تتقري التحضري
رسمت متلث في السبورة
وقالت للتلاميذ أشنو هذا
الدراري كلهم سكتو
واحد البليد جالس اللور رفع صبعو أنا أستاذة أنا أستاذة
قالت ليه المعلمة يا الله قول
قال : درهم الحرشة

- هذا واحد الرجل طويل بزاف بزاف عملاق
واحد النهار شرب كاس الحليب أو هو يموت مات
قلبوالطبيب لقا لحليب فقد صلاحيتو (بريمي) قبل ما يوصل للمعدة ( الكرش)

- واحد الشيباني عجوز شاد بديه فلو ويديه تترعد وفلو تيترعد
أو قال ليه ولدو آبا راك حمقتي ديك العاشق

- واحد الخدام جاه النعاس في الخدمة في رمضان
أو قال لصاحبو رد البال أنا غدي ننعس
الى جاي الشاف غوت وا اثمر
أو لا جاي المراقب غوت وا الشريحة
أو لا جاي المدير غوت وا الكركاع
شي شويا أو صاحبو يغوت وا لعواشر وا لعواشر
الناعس فاق قالو آش كاين آش كاين
وا لعواشر جايين وا كلهم

- واحد الرجل جاب لمرتو حولي ( خروف ) حينت تتوحم
قالت ليه النص في الطواجن نحمروه والنص لاخر نشويوه و نجمروه وغبارو سماد للجردة والصوفة نصايبو بها قطيفة والمصارن صوصيت وبكبوكة والجلد بندير ودربوكة والشحمة والكرشة والجلافط كديد وكرداس والديالة نديرو عليها بداز مخضرة باللفت المحفورة والبسباس والكرعين والراس نفوروهم في الكسكاس أو هو الحولي ( لخروف ) نطق وتكلم أو قال ليهم أو بآآآآآع ديروها صنوري في لبورتابل ديالكم ( بآآآآع ألو )

- هذا واحد لمزعزع دخل المحلبة أو قالو مول المحلبة أش حب الخاطر أسيدي , المزعزع قالو بشحال الميل فاي , مول المحلبة قالو خمسة الدراهم للوحدة ,’لمزعزع قالو والفرتيت اللي حداها بشحال , مول المحلبة قالو : فابور ( بالمجان) لمزعزع قال لمول المحلبة يالله فرتت فرتت شي عشرة الملفايات

- واحد الرجل أسميتو مبارك
جاب امبارك الحولي في أيام عيد لكبير
طلات واحد المرا أسميتها عيشة من السرجم وقالت ليه
ومبارك الحولي
أو هو يقول ليها وا عيشة النعجة

- هذا واحد المكلخ لقا كنز في الصحرا
أو قال الله باقي ليا الخريطة

- هذا واحد بنادم مخدامش ( عاطل ) ضرب دورة في جامع لفنا ( مراكش) أو هو يشوف لحلاقي ها اللي تيشطح لقرودة ها اللي تيزمر لحناش بالغيطة... والفلوس تترما عليهم من كل قنت , أو قال الخدمة موجودة وحنا غافلين ناعسين . الى غير لحنوشة موجودين في لخلا
جاب خنشة وزمارة ومشا لخلا بقا تيقلب على الغيران لقا غار صغير جبد الغيطة وبقا يزمر ليه حتى خرج حنش صغير دارو في الخنشة ومشا بيه لجامع لفنا شافوه لحرايفيا شراوه من عندو بثمن قليل باعو ليهم قال في خاطرو ها الخدمة لقيناها خاصني شي حنش كبير شويا باش يجيب الثمن ,مشا الغابة لقا غار كبير شويا من الآول وبعدا نزمرو لهذا ولا بلاش بقا تيزمر لو بزاف حتى خرج أو دارو في الخنشة اوباعو في جامع لفنا بثمن اكثر
الرجل فرح لقا لحرفة اللي تعيشو قال دبا خصني شي حنش كبير بزاف باش نبيعو بلغلا بالثمن
الرجل مشا الخلا لقا غار كبير بزاف مظلم اكلس في الفم ديال الغار وحنا راسو وبقا تيزمر تيزمر تيزمر او شي شويا بدا يحس بتهزهيز ديال لحنش جاي او زاد في التزمار مخصوش يقطع الغيطة لحنش بداو عينيه تيبانو تيلمعو ضاويين في الظلمة الرجل حنا راسو او زاد في التزمار لحنش قرب
لحنش مني وصل لباب لغار غوث غوثة وحدة طوووووو أو هو يضرب مو التران ( القطار)
ها ها ها ها ها

- واحد الميكانيسيان بغا يضحك معا مرتو قرسها بالبانس ( كلا مونييط )

- جزار ( كزار ) كثرة الدم مرضاتو في صحتو
الكزار بدل الحرفة دار حجام ( حلاق )
واحد النهار تيحسن لواحد السيد غليظ او قرفاتو كبيرة
دخل واحد المش الحانوت ديال تحجامت تيمعوق ميو ميو ميو
الججام قطع ودن ( أذن ) الرجل اللي تيحسن وارماها للمش

- واحد الطاب ( مفلس) دخل القهوة , قالو مول القهوة ، نعام سيدي آش حب الخاطر
قالو الطابي : شي جريدة قديمة وكاس ما , ولا جات على خاطرك كرسي مهرس عفاك وندور وجهي ما نشوفش في التلفزة كرانتي

- هذا واحد حسن لحيتو والموسطاش ومشا عند صحابو قال ليهم كاع معرفتكم

- هذا واحد الصحراوي بناي أسميتو ابراهيم , طالع لفوق عالي واحد الباطيما تتبنا تيطرق ويسمر في المادري ( لخشب)
الصجراوي ابراهيم بغا ينزل حصل ما لقاش كيفاش ينزل عرك حار باش يهبط معرفش أو هو بدا يغوث من لفوق وآآمباناك تيغوث على صاحبو أسميتو مبارك كاين لتحت تيخلط العجنة وامبناك وشوف كيفاش ننزن ( ننزل)صاجبو مبانك معرفش مشا تيجري علم الدوار ، جات لقبيلة كاملة ابناهيم حاصل يشوفو كيفاش ينزلوه تيتسناو شوار رايس ديالهم
تقدم الرايس أو هز راسو علي مزيان وقال للجماعة :
غادي نغنسو كنمة ( نغرسو كرمة)
ونسكيوها ( ونسقيوها )
وتكبن ( وتكبر )
وينزل معاها ابناهيم

واحد الرجل غادي في الطريق أو هو يسول واحد كان واقف مقرقب مزيان : أسي محمد واش هاد الطريق تتدي لصبيطار . جاوبو هداك لمقرقب : ايه أسيدي تتدي لصبيطار غير غمض عينيك وآقطع , وغمض غينيك وقطع الطريق أسيدي

- ولد الشيطان جا عند اباه أو قال لو : أبا علاش كلشي الناس تيسبوك وتيلعنوك
الشيطان قال لولدو : أنا متندير ليهم والو غير تيظلموني , قالو ولدو ما يمكنش
قالو الشيطان : أجي لباب السوق و شوف بعينيك وسمع بودنيك
واحد لعروبي لابس شلا جلالب والبلغة أو هي تعثرو واحد الحجرة وطاح وجا علا زنافرو أو هو يقول أعوذ بالله من الشيطان الرجيم , تلافت الشيطان عند ولدو أو قال ليه : واش هاذ لعروبي أنا مسيتو أو لا قربتو واش أنا اللي طيحتو ،ياك انت شاهد واش شتي الظلم تيشتمو فيا ونا متندير ليهم والــو

واحد لفقيه حضر في واحد السهرة . تركن في واحد القنت صاقل ساكت تيشوف بعينيه والناس تتكلم معا بعضياتها . مول الدار شاف لفقيه صاقل ومركن أو قالو : وفتح أسي لفقيه . لفقيه قالو : وقولها أصاحبي من الصباح ، ولفقيه تململ وجبد قرعة الروج من تحت جلالبو : أفتح تنتسناوك من قبيلة تقولها

واحد الكسول سأله المعلم ماهو الحديد , أجاب الكسول : ميسكيلاسيون

قال المعلم للتلاميذ , شكون فيكم يسولني شي سؤال كيف ما كان , الى جاوبت عليه يعطيني خمسين درهم , ولا ما جاوبتش عليه نعطيه مائة درهم , التلامذ صقلو ما عندهمش لفلوس , واحد الطولانطي رفع صبعو قال ليه المعلم قول سؤالك . الطولانطي قال للمعلم : ماهي الحشرة اللي عندها تلاثة الرجلين او تا تاكل ناعسة ؟ قالو المعلم معرفتهاش قالو التلميذ ارا الفين ريال ’ المعلم عطا الفين للتلميذ او قالو واش ناهي هاد الحشرة اللي تتاكل ناعسة وعندها تلاثة الرجين ؟ قالو التلميذ والله ااستاذ معرفتها , قالو المعلم معرفتيهاش ارا خمسة آلاف فرنك

سال المعلم للتلاميذ شكون اللي يقول ليا شي حيوان معندوش السنان ومتيعضش
واحد الكسول هز صبعو , قال ليه المعلم قول , قال التلميذ ’ جدة ااستاذ ( جدتي معندهاش سنان او ما تتعضش)

المعلم سول التلاميذ شكون فيكم اللي أباه بيلوط طيار في السما , واحد المصدي قالس اللور رفع صبعو قالو المعلم واش باك طيار , قالو التلميذ نعم استاد او فضحاتو تلميذة جارتهم قالت استاذ راه غير تيكذب عليك راه باه غير حمال ’ التلميذ المصدي قال للمعلم أنا سمعت ابا تيقول لأمي انا طيار تنطيرها في السما .

- هذا واحد السيد شير للطاكسي وقفو , مول الطاكسي وقف , أو قال للسيد فين بغيتي تمشي : قالو السيد : ‘عبيني لإيغان أسيدي ,
:عاود عاود فين بغيتي تمشي
: راني ألت ليك ايغان.
مول الطاكسي نزل واشنق على السيد , : واش تتفلا موقفني أو مضيع ليا وقتي
والجوقة تجمعات
أشنو واقع أشنو كاين
تيقول ايران ما ... ايران ما نعرف ’ آش واقع
واحد الرجل حضر قال للسيد : قول كرمة فيها كرموص
السيد قال : أرمة فيها أرموس
أو هو يقول لمول الطاكسي : دي دي السيد لمحطة الكيران راه بغا يسافر

واحد صراق الزيت خرج تيقلب على خدمة
جرا مزيان او هو يلقا واحد الجمل واتش الارض تيجر ( تيطحن )
صراق الزيت قال هنا يمكن كاينا الخدمة
انخدمو في هاد المعمل ديال الطحين
صراق الزيت طلع معا عنق الجمل ووصل حتى لمنخرو
او هو يدخل من المنخر باش يطلب خدمة
الجمل حس بالتهزهيز والهران في منخرو
او هو يعطس عطسة وحدة جابت صراق الزيت بعيد مدوخ
طايح على ظهرو تيفركل ورجليه لفوق
: اسيدي قول غير مكاينش الخدمة او ماتدفعش

- دخل المفتش قسم الإبتدائي على غفلة
المعلم كان تيقري درس في الحساب
المتفش كتب في السبورة5+5 كم يساوي
المفتش ما نوض غير واحد جالس اللور ولد فلاح لابس البوط
المفتش قالو خمسة زائد خمسة شحال
المعلم جا من ورا المفتش او تيشر للتلميد بديه بجوج
التلميذ شاف المعلم وقال : دلاحة كبيرة بزاف

- هذا واحد الرحل عندو سيارة 4 فوا 4 (4 X 4)
ديما تيلقا الشماكريا تيكتبو ليه بالزاج او قصديرة قدام (4 X 4) =16
تيخصرو لو صباغة ديال سيارتو
نصحو الطولوري قالو سودي = 16 بالحديد او غادي تتهنا
فكرة مزيانة
لصقو لو قدام (4 X 4) = 16
مول السيارة فرح ,
حط السيارة ديالو قدام الباب
خرج باش يركب في سيارتو
لقا كاتبين ليه بالتكراط قدام 4 X 4 = 16 تري بيان حسن جدا

واحد الرجل مفدوع في يدو ( يدو مهرسة داير ليها الكبص )
الرجل طلع للطوبيص , خاف لا يضروه في يدو حينت كان الزحام
الرجل هز يدو في السما لفوق
ولد واحد لعروبية صغير شافو
واكسر الطوبيس بالغوث
مي بغيت جبان كلو بان
وا بغيت جبان كول وبان
وقولو لو لولو بغيت جبان كول وبان
ملحوظة :( جبان كول وبان حلوة بيضاء ملففة على قصبة الخيزران غليظة الحجم طويلة خفبفة الوزن يحملها البائع المتجول وترائى لك من بعيد لذيذة طيبة النكهة والمذاق يعود تاريخها الى قديم الزمن مغربية الصنع مشهورة في مراكش كثيرا هذه الحلوى محبوبة عند الجميع وخاصة عند الأطفال الصغار وتقطع بسكين صغير , والبائع يبدا التقطيع من أسفل وتباع بسرعة )

assalamo 3alaykom:chokran akhi al 3aziz 3ala hadihi anokat arrai3a ba3da riyabin tawil.a3anaka allaho 3ala 3amalika,wa assalam.

هذا واحد الرجل سقرام بخيل بزاف
كان هاز قرعة الدوا لحمر وطاحت زلقت لو من يدو وتهرسات
او هو يغوت على مرتو سربي سربي جرحي الدراري او جيبيهم نديرو ليهم الدوا

واحد المعكاز دار لو باه حانوت يبيع فيه الدجاج
جات واحد لمرا قالت لهذاك المعكاز : شوف ليا شي دجاجة فيها جوج كيلو
المعكاز كان جالس او دار عند الدجاج وقال ليهم : اللي فيها جوج كيلو تخرج
هنا بلا صداع

السلام عليكم ورحمة الله تعالى وبركاته
مشكور اخينا العزير لردك الكريم
ونحن معكم دائما وحتى وان غبنا لا بد ان نعود

- هاذي واحد لمرا حاملة
كرشها لقدام
قال ليها ولدها : ماما ماما مال كرشك منفوخة
قالت ليه مو : خوك أوليدي كاين هنا
قال ليها وليدها : واش أماما تتبغيه
قالت ليه ماماه تنبغيه أوليدي كيف تنبغيك أنت
قال ليها وليدها : وعلاش أماما صرطيه

- هذا واحد مشا عند السفناج
قالو دير كيلو سفنج
السفناج عبر ليه كيلو سفنج وعطاه ليه
الرجل كلا كيلو سفنج او مشبعش
قال للسفناج زيد شي نص كيلو سفنج السفناج زادو نص كيلو
- الرجل كلا النص كيلو السفنج أو مشبعش
قال للسفناج زيد زيد شي رابعة سفنج عفاك
السفناج زادو رابعة سفنج
الرجل كلا الرابعة شبع او بدا تيتكرع
أو قال والله إلى أنا مكلخ , كون عرفت غادي تشبعني رابعة كون دومانديتها في الأول , علاش هاذ الخسران

- واحد الولد سرق تفاحة ودخل لدارهم ا
خاف ليشوفو باه ويسولو منين جاتك التفاحة
الولد مشا عند جداه وقال ليها جدة جدة
جداه قالت ليه : نعام أوليدي حنيني
قال ليها عندك السنان أجدة
جداه قالت ليه: بلحرام أوليدي أو فين هوما السنان مشاو
قال ليها : وخزني عندك هاذ التفاحة

- واحد لمرا أسميتها مينة
مشات تشوف خوها تزورو
وصلات بالليل دقات الباب
خوها من لداخل قال : شكون
لمرا قالت ليه : مينة
قال ليها : أنا وياك بالله والشرع بعدي لهيه وتفرقعي

- هذا واحد لعروبي أسميتو عبو دخل لمحاربة الأمية
المعلمة قالت لعروبي : عبو قف
المعلمة كتبت حرف (ب) في السبورة
وقالت لعبو : ماهذا ( والمعلمة في يديها طباشير)
والمعلمة واضعة راس الطباشير على الحرف ( ب)
لعروبي عبو قال ليها : واش الطبشورة البيضة نعنيو
قالت ليه المعلمة : ولالآ
قال ليها عبو : صبعكو ( أصبعك)
المعلمة قالت ليه : ولآلآلآ
عبو قال ليها : الخشبة الكحلة أو ( السبورة)
المعلمة كعات كعات بزاف ,
قالت ليه : إلى قريتي انت أجي خوذني (أو تتضرب كفها بكفها لاخر)
لعروبي عبو فرح: قال ليها أذركو ( دابا)

السلام عليكم
معذرة لبعض النكث , لا نجد بدا

مرة مرة نعاودو ليكم نكيتات

هذا واحد الولد قال لباه : اعطيني أبا ألف فرنك
قال له أباه : واش بغيتي تدير بها أوليدي
قال ليه ولدو : بغيت ندور أبا
قالو باه : متدورش أوليدي سير نيشان

واحد الرجل تيدوز امتحان أسئلة في البيرمي
او واحد خور تيتسنى نوبتو او تيسمع آش تيتقال في الإمتحان
المسؤول تيسول الرجل: فين ممنوع عليك توقف ؟
تيجاوبو الرجل في الضو لحمر في السطوب في علامة قف...
المسؤول سؤل الرجل مرة اخرى : فين عندك حق تدوبل
الرجل تيجاوبو : في الخط المتواصل , وسط لمدينة في الطلعة في الهبطة
المسؤول سؤل الرجل مرة اخرى : إلى اقتضى الحال شحال تمشى في السرعة
تيجاوبو الرجل : نعطيها اللي فكرشها
المسؤول قال للرجل : مبروك عليك راك نجحتي
- اللي تيتسنىالنوبة جاه لعجب أواهكيفاش كولشي اللي قال مقلوب ونجح
المسؤول تيسول الرجل الثاني اللي كان تيتسنى نوبتو: فين ممنوع عليك توقف ؟
تيجاوبو في الضو لحمر في السطوب في علامة قف...
المسؤول سولو مرة اخرى : فين عندك حق تدوبل
تيجاوبو : في الخط المتواصل , وسط لمدينة في الطلعة في الهبطة
المسؤول سؤل الرجل مرة اخرى : إلىاقتضى الحال شحال تمشى في السرعة
تيجاوبو: نعطيها اللي فكرشها
المسؤول قاليه : نوض نوض الله عفو علنا وعليك راك خسرتي
الرجل قال ليه كيفاش علاش واللي قال هداك قلتو حتى أنا
المسؤول قال ليه نوض نوض يضرب فيك البرد هداك راه دوز البيرمي ديال لابيلانص
الله ينجينا وينجيك من لابيلانص

هذا واحد خينا حفظ الكود البيرمي
مشا يدوز الأسئلة في البيرمي
قال ليه اللي تيدوز لو الإمتحان في لبيرمي : إلى كنتي غادي في وسط لمدينة ولقيتي هدية قدامك ( عرس) معمرين ليك الطريق وتقطع ليك لفران آش غادي تدير
قال ليه هداك خينا : غادي نحاول نهرب عليهم باش منضرب حتى شي واحد
قال ليه اللي تيدوز ليه البيرمي : راهم معمرين ليك الطريق ضروري تروم ليمن وتضرب واحد . خونا في الله خدا البيرمي , دازت ليام
واحد النهار كان غادي بسيارتو وسط المدينة
أو هو يلقا هدية قدامو معمرين ليه الطريق وكان غادي بسرعة
خونا في الله رام ليمن
واحد لقرع راكب على موطور غادي شاد ليمن
مول الموطور شاف الطوموبيل داركاه زاد كسيرا هربان
مول الطوموبيل تبعو من وراه فات لهدية
مول المطور لاح مطورو ودخل معا واحد الزنقة مضيقة هربان تيجري خايف
مول الطوموبيل وقف السيارة وهز زرواطة كانت عندو او تبعو تيجري على رجليه
او تيغوث ضاربك ضاربك راها عندي في لبيرمي

أيام الإستعمار نزلت الهيليكوبتر في لعروبية عند شي ناس معقولين نية بزاف
حطو قدامها الربيع والتبن باش تاكل
يسحابوها مخلوق نازل من السما

محماد الشلح تيبات في السدة في حانوتو
واحد النهار جاوه الشفارة هزو الريدو دخلو الحانوت
محماد الشلح فاق بيهم ورخى ودنيه
الشفارة خداو كلشي اللي في الحانوت حتى الثلاجة داوها او هبطو الريدو
محماد الشلح قال تحت الكاشة الله يخرج هاذ الحلمة على خير

واحد راسو كبير قد البوطاغاز
داير السربيس شاد في يدو الضوسي باش يصايب لكارط ناسيونال
من وراه واحد الشمكار مدوآخ حتى هو داير الصف باش يصيب لكارط
هداك البوعار ( الشمكار) قال لهداك اللي راسو قد البوطا : آش غدي تصايب انت
اللي راسو قد البوطاغاز قال ليه : قلنا غدي نصايبو لكارط إلى مكتاب
قال ليه البوعار الشمكار : محال يصيبوها ليك . لكارط ناسيونال غييير صغيييورة بزآف وانت راسك كبييير بزآآف مغديش تقدو لكارط

assalamo 3alaykom:chokran akhi al 3aziz 3ala hadihi anokat arrai3a ba3da riyabin tawil.a3anaka allaho 3ala 3amalika,wa assalam.
الله يحفظك أخونا محمد الحسناوي وعواشر مباركة وكل الطاقم الثقني والأعضاء
مشكور دائما

» أمثلة ونوادر مغربية وطرائف أصيلة أدخل وتمتع
» حكم مغربية
» نكت مغربية
» رسالة ود مغربية
» نكت مغربية مضحكة