هذي هي بلادي

[center]هذي هي بلادي

في بلادنا المناظر زاهية
والطبيعة متنوعة بر وبحر
في بلادنا الشمس ضاوية
والجو معتدل لا برد لا حر
في بلادنا السواحل باهية
تسارى ورد علي الخبر
في بلادنا الحدايق راوية
منظرها جميل يزيد في العمر
عندنا الغابة والجبل والساقية
عندنا الرملة والواد والنهر
*********************
يا الزاير بلادي من الســـياح
شمس بلادي ديما شراقــــــة
في فنادقها بعد الجولة ترتاح
والمطاعم الفخمة فيها ذواقة
ناس بلادي كرام ومـــــلاح
واهلها لحسن ضيافتك تواقة
*******************
انعم الله على بــــــلادي
واعطاها زوج دالبحور
الابيض عليك كينــــادي
والمحيط يتســــنى الدور
زور آثــــار اجـــــدادي
شوف القصبة والسور
ها الثلج والرملة والوادي
وفي المدينة تبقى مبهور
*****************************
واحات الصحرا مرحابـــــة
فيافيها لازم تــــــــــــــزور
النخلة والشاطئ والغابـــة
أتاي الزين والتمـــــــــــور
ليلها نجومه خلابـــــــــــة
ومساها يخليك مبشــــــــور
ناسها بالشعر مطرابـــــــــة
بالكدرة والهول المشهــــــور
السهرة معاهم كالسحابــــة
تخلي الخاطر مجبـــــــــور
***********************
مرحبا بك انت والاولاد
والأمن متوفر ما تخاف
لكن أخويا احترم البلاد
واعرف اصحابها شراف
*************************
لاتفكر توسخ عقولـــنا
ما تسمم لشبابنا افكارو
زور واعرف معالمنا
شوف تاريخنا وآثارو
بلادنا غالية عليــــــنا
والشرف عندنا مقدارو
ما تلوث أرضنا ووادينا
حافظ على اشجارو وحجارو
تجول في القرية والمدينة
وشوف القصر واسوارو
***********************
من طنجة لكويــــــــرة
مدينة تنسيك في مدينة
دير ليك شي دويـــرة
وخذ ما تعاود عليــنا
*************************
إلا كنت موهوب فنــــــان
بالريشة ولا الكلمة مولوع
تلقى الترحيب هنا يا إنسان
بالورد نلقاوك والشمـــوع
وتقضي ساعة هنية
*****************************
إلا كان همك الثقافـــــــة
نستقبلوك بالود والظرافة
تشعر ببلادنا ولافـــــــة
وتلقى نخبة وفية
***************************
ولا عشقت الرياضة
اولادنا كلهم أســـــود
معاهم تقد تتراضى
وتلقى كلشي موجود
استفد وخذ التقنية
***************************
إلا كنت من اصحاب السم
وناوي تجمع الدرهـــــــم
في بلادنا كلشي كيفهــــم
ما تقضي مزية
************************
إلا كنت فاســـــق
سير بدل الطريق
بلادنا ليك ما تليق
وغادي تورط في شي قضية
************************
إلا كنت مخــــــرب
وغرضك الترهيب
بعد من المغــرب
ناسو غضبتهم[/center] قوية
**************************

[color=green

]بقلمي ‹عبد الله الدهيمي›
[/color]22/02/2010