الصدَرْ الحْنين

بمناسبة رجوع الجالية المغربية للبلد الحبيب المغرب
أهدي هذه القطعة الزجلية لكل العائدين لقضاء العطلة الصيفية بين أحضاء الاهل والأحباب
من ديواني *مغربية حـرّة*
عنوانها



الصدَرْ الحْنين

لَمّيمَة الغالية ،الصْدَرْ الحْنين
أنا اليوم راجـعْ..
خُرجـي لَمّيمة تْلَقّـايني فالحين
نَتْعانْقُوا المّيمــة.
انْشوفك انداوي،اجْـراح سْنِيـن

*****

فَرحي يالمّيمة ،وابْنِي الخْزايَنْ
لَبْسي شربيل الصّمْ،والقفطــان
فَرشي الزْرابي،وانْسايْ لَمحاينْ
وخَبّْري ناس الحُومة،والجّيــران



*****

نقشي اليدّين بالحنــة
وزغرْت يالمّيمة،وُجْدي الصْواني
شَحْري لبرارَدْ،واسْقي في الكيسانْ
قولي:ليهم
بُعدْ الغُربة في بْلادي مانسّاني
يرتاحْ خاطرَكْ
واتْعـودْ للدّارْ فـرحَةْ أيّام زْمـــانْ

*****

لَمّيمَة الغالية ، الصْدَرْ الحْنين
أنا اليوم راجـعْ
خُرجـي لَمّيمة تْلَقّـايني فالحين
يَتّجْمَعْ الشّمَل
ونَحييوْها ليلة، بجَدبَة كْناويّـة
بانْغامْ الغيوان،والأمداح النّبوية
انْحمدوا..وانْشكروا
العاطي الكريم على انْعايمُوالرّبانية

جيد تحياتي اختي الكريمة

أشكركم أصدقائي على مروركم الكريم والمشرف
مودتي

شكرا اختي