*ورث اجدادي* قطعة زجلية من ديواني الأول *حنين وطني*

*ورث اجدادي*
*****

يا الغالَطْ ، فــوَحْدَة بــــــلادي
اسْمعني:لَك تقديـري واحتـــرامي
لِكْ نحكي على وَرثْ اجدادي
ولا تنسى، للتّاريخ دوّن كـلامي
يا الغالَطْ ، فــوَحْدَة بــــــلادي


اتْمعن ياسيدي، ومتّعْ النّظـــرْ
من شمال طنجة لجنوب لكويرة
هذي أرضي،ومافيها أســــــرار
كُلشي واضحْ الدّليل المسيرة


امْشيناهابنِظام،وراسنامرفوع
مسيرة سلمية شعارنا القرآن
صف واحـد من كل الربوع
ابْهرنا العالم ،بحسن الإتقان
يا الغالَطْ ، فــوَحْدَة بــــــلادي


اسألْ الواحة وعروش النخلة
على العهدالقديم تحكي بالتدقيق
اسأل نسمة تلال الرّملـــــة
تلقى جواب:أنامغربية بلاتحقيق
يا الغالَطْ ، فــوَحْدَة بــــــلادي


هذي وحدة بلادي مافيهانقاش
عليها مانتخلى بصْمتها فالقلب
المساومة عليها ماكاين عــلاش
هي قضية ملك،وعزيمة شعب
يا الغالَطْ ، فــوَحْدَة بــــــلادي


اسمعني واصغى ليّ مزيان
كلشي واضح وبإمعـــــان
اصدر الحكم،وكان لكان
حقنا هذا مشروع وبالبيان
يا الغالَطْ ، فــوَحْدَة بــــــلادي