معاك’ معاك اسيدي محمد

معاك’ معاك اسيدي محمد

سيدي محمد حاكمْ لبلادْ
عاطفْ علعبادْ
صلحْ وزيدْ فصلاحْ وصلاحْ
عليه لعمادْ
نسَا وصبَايَا شِيبْ وشْباَبْ
عمْدَة ووْتَادْ
يدْ فيدْ نْصلْحُو لْحَالَة
نزْوهْرُو لبْلادْ
ورَاكْ وراكْ أسِيدِي محمدْ
سادةْ وقيادْ
متْرَجينْ رَحْمَةْ ربِي كِيفْمَا
تْرحْمولجْدادْ
وقْت الشَّدَة مَا يْخُونُو
والحُب زَادْ

بالسَرْ الغَالِي دَاخْلتْ عْلِيكْ
والوْفَا سرْلميعادْ
خَطْوِيتِي يَاسِيدِي وَكَمَلْ رَاهْ
الايام شدادْ
نفرحوا كاملينْ ويطلْ عْلينَا
الفَرْخْ بْلَا مِيلَادْ
نْتُبُورْدُو والله العظيمْ نْتُبُورْدُو
سْلَاحْ بْلَا جِيَادْ
كمالة الفرحة مكملة بزين
البسمة ولخدادْ
تفاجى غمام سما صبات
دموع التيهادْ
سير أسيدي سير ما تحسب
كلام لحسادْ
الي عينو فصلاح يمد يدو
كفانا حدادْ
لا تكدبو شي علينا احنا
سربلا مدادْ
تكتبو عروقنا بسيل الدم
فخرة وجهادْ

امرناك يا سيدي محمد علينا
وحبك سادْ
وراك وراك معاك معاك
خير وصابا ورمادْ
عاشق لخير رمي لخطوة
والصبر مربح لعبادْ

سيدي كثرت عليك لولاول
امازيغ ولحمادْ
كلها باغي طرف واش بقا
من باقي لبلادْ
لا تبالي ياسيدي وكملها رزانة
فياقة وسهادْ

عاشقين يا عاشقين بلادي
مغرب ارض مجادْ
بقطرات لعرق نسقيو لوتحب
نبتو لجمادْ
نهرسو الصخر فاس وخنجر
يتكلم الزنادْ

نوضو اسيادي يا لي قهرتونا
تابعين مول بغدادْ
السما ما تقطر دهب ولا تعاون
الا من مشاوعادْ
طير فسما بجناح يشالي كامل
مصاوب مقادْ
وين باين لرزق حط والرامي
مادرك ما صادْ


الرجا فيك يا مولانا ياعافي يا
ارحم من جادْ
نعمة لمان ولهنة و النية
يا كريم يا جوادْ

عاين اسيدي محمد ايدي فيدك
زين اتعدادْ
ليكم يا شباب بلادي وليدات الحي
المداد المدادْ
الامل فيك يا سيدي محمد قل
او كثر الزادْ
الطريق طويلة ولخيل تتعب ولاصبر
الا صبرالزهادْ
عليك التوكال يا عالي رجاي وتسوالي
وقلبي وكادْ
حفظ لبليدة من كل شر راه الشر
سكن لعبادْ